Lukase 19:44 - Nouveau Testament en Ngienboum

⁴⁴ Pɔ́ ge gÿo tó, é gwɔ’ɔ gẅi lâ gubé gí ntsèm, é gíŋe tágte tÿǒsoŋ gí tà pɔ́ le nyé tóon á gíŋe ńzɛ́be nà tsɔ̌ wɔ́. Á zɔɔn ńgwɔ́ pú’u, mélà’mie pi kaa zsé fʉ̀’ gie e Ssé too légÿo nò mbòŋo ná pi wɔ́.

Lukase 19:44 Referans Kwoze

Lukase 21:6

Tà pi gyá pɔ́ pá’ á poŋo lɛ, atsɔ́ lyɛ̌’ ge gÿo gwɔ́, mé pú ńtág, tà tóon le gíŋe ńzébe nà wetsɔ̌ wɔ́.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

Lukase 19:42

ńně ńgɔɔn ngie: Pi pà Yerósalem, pi ee lyɛ̌’ɔɔn, pi tè ne ńzsé mmó gie ńgwɔ́ á náa gẅi mbʉ́lè wɔ́, á ké yɛ̂, mbà á lyěen menÿɔ́g pi lɛ.

Lukase 1:68

Pege zɔb ntse ńgú’te Cʉ̀apʉ̀a Ssé pà Israel, à tǒ ńkẅéte pʉ̀a pé, ńcu’u wɔ́b ndá nkwɔ̀ɔn.

Matio 24:2

Tá Yěsô gɔɔn né pɔb ngie: Pi kaa gyá jʉ’ yɛ̂ wa? Tà mèŋ n ké shwóŋó gẅí, kwà’ nénʉ́, àtsɔ́ lyɛ̌’ ge gÿo gwɔ́, mé pú ńtág tà tóon le gíŋe ńzébe nà tsɔ̌ wɔ́.

Lukase 1:78

mélà’mie à ne ńdíe wégè mboŋó, ḿbiŋ ne ńtsɔ́ɔn mezìŋe mégè tɛ’. À ge túmo Nyìŋ gẅie à ge gÿo pege gwɔ́ wó, angàŋ fó tÿǒ ńtó ńgwɔ́ nkà’,

Malékuse 13:2

Yěsô tsɔ́’ɔ mbwo yé ngie: Tè líe pɔ́ pá’ mé la séen ńkwɛ́ é gú’ pɛ́’ɛ̀ lɛ. Atsɔ́ lyɛ̌’ ge gÿo gwɔ́, mé pú ńkem tà tóon le gíŋe ńzébe nà wetsɔ̌ wɔ́.