Lukase 18:7 - Nouveau Testament en Ngienboum

⁷ Tà ngʉ̀a shÿɔ́’ɔ nà Ssé? Á ge gǎ tá á le lwo ńtó ńkẅéte pʉ̀a pie à la tsɔ́’ɔ wɔ́b ńdɔg ńgÿo pé wɔ́? Tá pɔ́ ne ńdʉa ńtóŋo yé fʉ̀’e zsǒ pɔ́ tsẅɛ́’?

Lukase 18:7 Referans Kwoze

2 Piɛ 3:9

Cʉ̀apʉ̀a kaa líi légÿo mmó gie à la ka’a légÿo pá’ tsɔ́ pʉ̀a ne ńkwaŋa wɔ́. À gwiin pɔ́ kwɔ́gɔ nnɛ́ ńtí gẅí, á nue à tè ne ńkwoŋo ngie à tsɔ̌ tà’ nyìŋ pyé wɔ́, à ne ńkwoŋo pɔ́ ngie pʉ̀a metsèm gẅiin shÿó lékúbe mà.

Lukase 11:13

Pi pie pi fʉ’ nò tɛ’ zsě léná shúm mbòŋo mbwo gubé gí. Tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge náa Zẅìge Ndʉalʉ̌a mbwo pʉ̀a pie pɔ́ lǔɔ?

1 Timote 5:5

Ampfɔ̌g gẅie nyìŋ tè nzèm yé wɔ́, á gwɔ́ pɔ́ gílé yé, à ńnéŋe yé ńdíe mánzsè ńzẅí’te pɔ́ Ssé, ńne sẅíŋte yé zsó pɔ́ tsẅɛ́’ té kʉ́a, ngie à kẅéte yé.

Ŋwà’ne Ngyà jʉ’ 6:10

ńne ńga’te lê ngyè tetʉ́ʉ ńgɔɔn ngie: Cʉ̀apʉ̀a, gù gẅie ɔ́ɔ Ssé, ńgwɔ́ nyìŋ gẅie à shwóŋó nò nénʉ́, ɔ̀ ge zẅí’te tà kú pɔ́ síŋe, tá ŋag pʉ̀a ndùmo ssé tsetsá’, é néŋ ngʉ̀ngʉ̀ twó pɔ́b ńtí pá’ pɔ́ la zẅéte wég?

2 Tesalonika 1:6

Pi zsé mbóŋo ngie e Ssé ge lá’ ŋag ntsaŋ pɔ́ pá’ á ne ńzɛ́te, é ná ngɔ́’ mbwo pʉ̀a pie é nyɛɛ gẅi ngɔ́’ fʉ̀’ɔɔn lɔɔn,

Lukase 2:37

A la cʉ́’ʉ mpfɔ̌g pú’u, ńké těen ńtsó *jʉ’ʉ Ssé wɔ́, ńnéŋe *ńkwoŋo kwoŋ ńnéŋe nzyè, ésẅíŋte Ssé, ńtsẅé ńgu’te yé fʉ̀’e zsǒ pɔ́ lêtsẅɛ́’, ńdá’ ńgẅiin ngù’ ntsɔ̀b lekùa lê móm lefɔ̌ɔn,

Matio 7:11

Pi pie pi fʉ̀’ nò tɛ’ zsé léna shúm mbòŋo á mbwó gubé gí, tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge ná shúm mbòŋo mbwó pʉ̀a pie pɔ́ lǔɔ mbwó yé.

Ŋwà’ne Ngyà jʉ’ 18:20

Mé ne ńdʉa Mbabilonia, tá’, á gʉa ná pi tÿǒ lepwó, pi kág kág ńtí pá’ á gwě ssé. Mbɔɔ pi pʉ̀a Ssé, pia megàŋ ntúm lâ pà *ntsẅì nkʉ̀ Ssé, pi kág gí. Á nue e Ssé ŋagá yé nà nò tepòŋ gie á ka gÿo ná pi.

1 Tesalonika 3:10

Á gʉa fʉ̀’ gie peg ne sẅíŋte Ssé, kà zsǒ wɔ́, kà tsẅɛ́’ wɔ́, peg lʉa mbwo yé tɛ’, ńgie à gÿo peg gíŋ ńgyá meshÿó mí, peg piŋ ńnáa gẅi mmó gie á ne ńzága ná gẅi lézáb ntʉ́m ná yé.

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

Roma 8:33

Awɔ́ lɔɔn ńgwɔ́ á sẅiŋ pʉ̀a pie Ssé la tsɔ́’ɔ wɔ́b? Angàŋ tè wó wɔ́, á nue Ssé zɔ ka lɔgɔ wɔ́b ńgÿo pʉ̀a pie à cʉ̌’ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé,

Ŋwà’ne Ngyà jʉ’ 7:15

Áa mmó gie á gÿo pɔ́ tyé mvfò lʉŋe *lefùɔ Ssé, á tsɛ̀ɛ jʉ’ yé, ńne ńgu’te yé zsó pɔ́ tsẅɛ́’. Nyìŋ gẅie à ńnéŋe nà lʉŋe lefùɔ, à ge taa ntàb we é lɔg kábte wɔ́b.

Titus 1:1

Yɔɔn ŋwà’ne áa ńŋwe’e mèŋ Pɔl, mèŋ fa’a fà’ Ssé, ńgíŋ ńgwɔ́ ngàŋ ntúm Yěsô Kristo. E Ssé la zába wɔ̀ɔn lékẅíŋte pʉ̀a pie yé Ssé la tsɔ́’ ńdɔg ńgÿo pʉ̀a pé. Á lékẅíŋte wɔ́b pɔ́ ké ńzáb ntʉ́m ná yé záb, ḿbiŋ ńgÿo pɔ́ zsé nò nénʉ́ gie mé cʉa mǒ ńzsé legìŋ gẅie à póŋ Ssé.

2 Timote 1:3

Mèŋ n ne ńnáa ndǎg mbwo Ssé nà twó jú, e Ssé gie mèŋ n gu’te lê ntʉ́m mbòŋo pá’ pà mangʉa njʉ’ peg la gu’te yɔ́b. Áa fʉ̀’e zsó kà lêtsẅɛ́’ wɔ́, mèŋ n gwɔ́ sẅíŋte Ssé, n te nyé té kím lezíŋ shú wɔ́.

Matio 24:22

Tá ńgwɔ́ gie e Ssé laa pé’e, ńzɔɔn tè gyá ngie à ge tsẅɛ́te mɛ̌ melyɛ̌’ wɔ́, mbà à gwe tsɔ́ nyìŋ lá’ le tsẅɛ́. Tá à la lɔgɔ nò pʉ̀a pie à la tsɔ́’, tá ńtsẅɛ́te melyɛ’ɛ́ lá’ amɛ̌.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Lukase 21:28

Mɔɔn menò lɔɔn ńdá’ ńgwɔ́ tà ńzye létó, pi zẅí’te gí pɔ́ tè pɔ́g, mélà’mie afʉ̀’ gie Ssé gee kẅile gẅi ndá nkwɔ̀ɔn ne ńku’u.

2 Timote 2:10

Áa mmó gie á gÿo mèŋ n ne ńgyá ngɔ́’ pɔ́ lêkɔ́ wɔ́, ńtíi pʉ̀a pie e Ssé tsɔ’ɔ́ wɔ́b, éshÿɔgɔ shÿɔg, ńzsé ngie Kristo ge gÿo pɔ́b yɔ́b tsẅɛ́. Pɔ́ fo pú’u, ńgẅiin legú’ tèmì.

1 Piɛ 1:1

Aa mèŋ Piɛ, ngàŋ ntúm Yěsô Kristo, mèŋ n náa yɔɔn ŋwà’ne mbwo pi pie Ssé la tsɔ́’ɔ gẅí, pi lěen sa jʉ’, ńgʉa né tsɛ̀ɛ ngwòŋ Pôŋ, á tsɛ̀ɛ we Galatia, á tsɛ̀ɛ we Kapadosia, á tsɛ̀ɛ we Azia, mbɔɔ tsɛ̀ɛ we Mbitinia. Pi ee tsɛ̀ɛ mengwòŋ ŋwɛ́ ńgwɔ́ megʉ̀.