Lukase 18:12 - Nouveau Testament en Ngienboum

¹² Mèŋ, n gee ńkwoŋo kwoŋ ńzɔ́gɔ nzyè ngʉ̀a mbʉ́a nà ngàba lá’, ńgíŋe ńgabte shúm sɔ́ɔn nzsè legém, ńnáa tà’ nzsè mbwo gù.

Lukase 18:12 Referans Kwoze

Lukase 11:42

Pà *farisay, ndòon ee twó pi! Pi gabte shúm nná’ sí tà mbɔɔ nzàb gi nzsè legém, ńnáa tà’ nzsè mbwo Ssé. Tá’, ńké ńdege légÿo nò mbòŋo mbwo pʉ̀a mesoŋ, ńgíŋe ńdege lékwoŋ Ssé. Pú’u, tá yɛ̌ zɔ̌ gwɔ́ mmó gie á ke ne ńzɛ́te ngie pi gÿo. Pi gÿo pú’u, tá ńké le wetsɔ́ gígyé shúm lege

Matio 9:14

Megàŋa kwò Jâŋ gÿo ńtó, ńzɛ́te Yěsô ngie: Peg lâ pà *farisay neŋé ńkwoŋ kwoŋ ńnéŋe nzyè, epú ké tè pú’u, gÿo mélà’a kɔ́?

Lukase 17:10

Mbɔɔ gí fà’ ké ńgíŋe ńgwɔ́ pɔ́ pú’u. Pi lɔɔn ńdá’ fa’a fà’ gie mé tsẅǐ mbwo pi tà ḿmag, pi gɔɔn pɔ́ ndà’ ngie: Peg gwɔ́ yég pɔ́ megàŋa fà’ sẅɛ̀ɛ sẅɛ̀ɛ, peg gÿǒ pɔ́ mmó gie mé ně ńtsẅi ngie peg gÿo.

1 Timote 4:8

Nyìŋ lɔɔn ńkÿo ndʉ̌, mbà é ge kẅéte ndà’ mbùm ye. Tá legÿo mmó gie á poŋ Ssé, á kẅéte nà shúm ntsèm. Pege fó mǒ ńzsé ngie pege ge gwɔ́ wó nà fʉ̀’ɔɔn tà mbɔɔ ná fʉ̀’ gie á ge gÿo tá tó.

Matio 6:1

Yěsô gíŋe ńgɔɔn ngie: Pi lɔɔn ńge ńgÿo mmó gie *lepʉ̌ Ssé ne ńzɛ́te, pi laga twó gí létóŋo lá’ tá ńgÿo, á nà ntí gie mé ge ne líe gẅí. Pi lɔɔn ńgÿo pú’u, mbà Tá gẅi gẅie aa tÿǒ lepwó tè gÿo tsɔ́’ɔ fà’ gí wɔ́.

Efeso 2:9

Á gwɔ́ pú’u, ńké těen fóo nà mefà’ mie pi fǎ’ wɔ́. Pú’u la, ńgwɔ́ nyìŋ á le lɔ́g ńŋá’te wɔ́.

Galatia 1:14

Á gʉa nà legu’te Ssé nà ntí ye pà Yuda, mbà n daa mǒ tà ḿbú ńcʉa kwò nkàŋ yég púɔ pà Yuda. N dɔ̌ɔn ḿbú ḿma’a mbùm yɔ̀ɔn tɛ’ ná mà gẅie metá pég la zí’i wég, ńcʉa wɔ́b.

1 Korento 1:29

À cʉa pú’u, atsɔ̌ nyìŋ mesoŋ le ŋá’te mvfò Ssé wɔ́.

Roma 3:27

Tà áa pá’ɔɔn atsɔ́ mmó gie ńgwɔ́ nyìŋ mesoŋ gíŋe ńdɔg ńŋá’te á gwɔ́ wó? Ngǎŋ á té gíŋe ńgwɔ́ wó wɔ́ tà tsǒon kɔ́. Pú’u, mélà’a kɔ́? Mélà’mie ammó gie e Ssé ne ńzẅí’te, á té gwɔ́ pɔ́ nyìŋ légɔɔn ngie à gÿo mmó gie *lepʉ̌ ne ńzɛ́te wɔ́, á gwɔ́ pɔ́ nyìŋ lézáb ntʉ́m wé ná Yěsô.

Matio 6:16

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b.

Matio 6:5

Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b.

Matio 5:20

!Áa yɛ̌ tá mèŋ n gɔɔn né pi ngie: Pi lɔɔn té kú’te *lepʉ̌ mbòŋo ńtɔ́g *pàkyagte lepʉ̌ Mǒsê lâ pà *farisay wɔ́, mbà pi tě ńdá’a ńkúu ná nò *lefùɔ Ssé wɔ́.