Lukase 18:10 - Nouveau Testament en Ngienboum

¹⁰ ńgɔɔn ngie: Tsɔ́ pʉ̀a mépʉ́a lá’ ḿbʉʉ *jʉ’ʉ Ssé lésẅíŋte Ssé, tà’ gwɔ́ nyìŋ nà nùɔ pà *farisay, wetsɔ̌ gwɔ́ nkẅè ncùb pà *Roma.

Lukase 18:10 Referans Kwoze

Filipo 3:5

Mé la zye wɔ̀ɔn, é cʉa lyɛ̌’ lefɔ̌ɔn, mé pú’u wɔ̀ɔn. Mèŋ n gee nyìŋ ná ngẅɛ̀ Israel, á nà tsìŋe ndá Mběnjameŋ, ńgwɔ́ nyìŋ Heber tà metá pɔ́ɔn gwɔ́ pɔ́ pà Héber, ńgʉa ná *lepʉ̌ pà Yuda, n gwɔ́ nyìŋ ná nùɔ pà *farisay.

Megàŋ ntúm 26:5

Mèŋ, n dɔ̌ɔn ńnéŋe ná ntí gie nyìŋ ná nùɔ pà *farisay neŋé pú’u, é piŋ ńgwɔ́ pʉ̀a ńcʉŋe nà *lepʉ̌ nò Ssé yég tɛ’. Pà Yuda lɔɔn ńkwoŋ, pɔ́ shwóŋó nkwɔbɔ́ ngie, anò gie mèŋ n gɔɔn lɔɔn, áa nò nénʉ́. Pɔ́ zɔɔn ḿbú ńzsé wɔ̀ɔn tà fó tàa lyɛ̌’.

Megàŋ ntúm 3:1

Á gwɔ́ tsɔ̌ mbÿɛ̀ njÿó, tà nèm tá fʉ̀’ gie mé tsyɛ’te Ssé ne ńku’u. Piɛ pɔ́ Jâŋ pʉ ńgʉa jʉ’e Ssé.

Lukase 19:46

ńně ńgɔɔn né pɔ́b ngie: Áa tsɛ̀ɛ ŋwà’ne Ssé, e Ssé gɔɔn ngie: «Ndá yɔ̀ɔn ge gÿo gwɔ́ ndá sẅíŋtè. Tá pi léen sele ńdɔg ńgÿo nkʉ̀a metsǒŋ».

Matio 10:3

ńgÿo Filib pɔ́ Patelemî, ńgÿo Tomáse pɔ́ Matio, á nkẅè ncùb pà *Roma, ńgÿo Jâg míŋ Alfe pɔ́ Tadé,