Lukase 18:1 - Nouveau Testament en Ngienboum

¹ Yěsô saga tsɔ́ nò, ńdɔg ńda’te mbwo *ngàŋa kwò yé pà’ á poŋo lésẅíŋte Ssé fʉ̀’ ntsèm té kʉ́a.

Lukase 18:1 Referans Kwoze

Kolosia 4:2

Pi ké ne sẅíŋte Ssé sẅíŋte, tà pi lyé, pi gwɔ́ gÿo pú’u, ńne ńnáa ndǎg mbwo Ssé,

Roma 12:12

Pi ńnéŋe nê lekág ńtí mmó gie pi ne ńzẅí’te. Ngɔ́’ lɔɔn ńkúu gẅí, pi shÿɔg shÿɔg. Pi ké ńne sẅíŋte pɔ́ Ssé té kʉ́a.

1 Tesalonika 5:17

Pi ne ńtsyɛ’te Ssé fʉ̀’ ntsèm,

Filipo 4:6

Tà pi pú’ mbùm gí nà tsɔ́ nò. Tá’, akɔ́ nò zɔ̌ lɔɔn ńtyé ssé wɔ́, pi pú’ mbwó mbwo Ssé, éshwóŋó yé mmó gie pi ne ńtsɔ́ɔn, ésẅíŋte yé, ḿbiŋ ńná ndǎg mbwo yé.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Galatia 6:9

Tà pege ke ńkʉ́a legÿo nò mbòŋo, á nue pege lɔɔn gÿo nò mbòŋo ńdɔg ńgʉa pɔ́ lé mvfò, mbà fʉ̀’ ge lá’ ku’, e Ssé gÿo pege lág shúm tɛ’.

2 Korento 4:1

Pú’u la, pá’ e Ssé la lɔg pɔ́ tsɔ́ɔn mezìŋe yé, ńnáa yɔɔn fà’ mbwo peg la, peg tè kʉ́a wɔ́.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

Lukase 11:10

Nyìŋ lúɔ mmó, mbà mé ge náa mbwó yé, éfa’, mbà à ge gyá, ḿbiŋ ńkwá’te ncwò ndá, mbà mé ge tsɔ́’ ná né yé.