Lukase 17:6 - Nouveau Testament en Ngienboum

⁶ Yěsô gɔɔn ngie, lesɔɔn sésɔg ée mmó ńkɔ́g tɛ’, nyìŋ gẅi zɔɔn ńzáb ntʉ́m wé nà Ssé mbɔɔ méjʉ’ pú’u, mbà à ge gɔɔn né tÿǒ gie á tyé lɛ ngie: Tsɔ́’ɔ ńgʉa ńtyé tsɛ̀ɛ mmí, à jú’ ncwò wé.

Lukase 17:6 Referans Kwoze

Matio 17:20

Á tsɔ́’ɔ mbwó pɔ́b ngie: Ee, mélà’mie pi záb ntʉ́m nà Ssé pɔ́ méjʉ’ lepile. Pi lɔɔn fó ńzáb ntʉ́m gẅi nà Ssé pɔ́ méjʉ’ pá’ lesɔ́ɔn sésɔg, mbà à lɔɔn ńgwɔ́ pi gɔɔn né lekwɛ́ sɛ̂ ngie: Tsɔ́’ɔ ńgʉa ńtyé jʉ’ʉ, é gʉa ńtyé jʉ’ó. Mbà à lɔɔn ńgwɔ́ tsɔ́ nò á le lá’ ńcʉa gẅi wɔ. [

Matio 21:21

Yěsô tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, pi lɔɔn ńzáb ntʉ́m nà Ssé, tà pi tè mʉ́’te, mbà pi ge ku’u légÿo mmó gie mèŋ n gÿǒ nà tÿǒ mbÿě ngem lɔɔn. Mbà à lɔɔn ńgwɔ́ pi gɔɔn né lekwɛ́ sɛ̂ ngie: Fó jʉ’ɛ ńgʉa ńtyé tsɛ̀ɛ ntse té pàa! É jú’ ncwò gẅí

Malékuse 9:23

Yěsô pʉŋe yé ngie: Ɔ̀ piŋe ngie pá’ ɔ̀ lɔɔn ńku’ lêkɛ̂? Anò té cʉa nyìŋ gẅie à záb ntʉ́m nà Ssé wɔ́.

Lukase 13:19

É leen ńgwá’a tsɔ̌ ntí lesɔ́ɔn sésɔg sie nyìŋ la pí ḿma’a nká’ yé, é gÿo sá’, ńgú’, tà ńcʉ́’ʉ tÿǒ, ńtɔ́g mbwo, meshʉ́ŋ tó ḿbá’ menkʉ̀a mɔ́b tsɛ̀ɛ wó.

1 Korento 13:2

Á lɔɔn ńgwɔ́ e Ssé cÿó gem yɔ́ɔn mèŋ n tsẅi nkʉ̀ gẅie é fóo mbwo ye, ńzsé nò nà kɔ̀ɔkɔ́ɔ gie áa lelyěen, ḿbiŋ ńzsé nò nà shúm ntsèm. À lɔɔn ńgwɔ́ mèŋ n záb ntʉ́m wɔ̀ɔn nà Ssé, tà ńku’u légÿo mekwɛ́ sẅɛ́’te nnɛ́, tá ńké ńgwɔ́ gie n dɔɔn tè kwoŋo nyìŋ mesoŋ wɔ́, mbà mèŋ n tè tsɔ́ mmó wɔ́.

Lukase 19:4

Á kÿote ńgʉa mvfò, á nà shÿó gẅie Yěsô lɔ̌ɔn nge cʉa mǒ, ńkwɔ́’ ńzébe nà tsɔ́ tÿǒ, ḿbyɛ́b pá’ à ge gwaa cʉa à gyá yé.

Malékuse 4:31

É leen sẅé mbyè mmó gie e kɔ̌g pá’ tsɔ̌ ntí lesɔ́ɔn sésɔ́g. Mé gwaa ma’, é pú ńkɔ́g ńcʉa metsɔ́ membyè shúm léjÿó sie mé pye nká’.

Lukase 7:13

Cʉ̀apʉ̀a Yěsô gyá mpfɔ̌g ŋwɛ́, mezìŋe mé kúu yé, á gɔɔn né yé ngie: Tè gíŋe ńdʉa,

Lukase 7:19

ńtúmo wɔ́b ngie pɔ́ gʉa ńzɛ́te Yěsô ngie aa *Nzà’nkÿo gẅie mé ka ne ńzẅí’te kà mé gíŋe ńzẅí’te pɔ́ tsɔ̌ nyìŋ ndyɛ̀’ɛ wɔ́?

Lukase 17:7

Pege pí fʉ̀’ ngie nyìŋ gẅi gẅiin ngàŋa fà’, à lɔɔn ńzɔ́gɔ tsẅɛ ńjʉ́’ ngwóŋ, kà ńzɔ́g ḿpféle pɔ́ menɔ̀ɔn wɔ́, ńgÿo ḿbiŋ nzèm, mbà yé gẅie aa tá fà’ ge gɔɔn mbwo yé ngie: Gʉa ńnéŋe ssé letʉ ḿpfɛ́ɛ mmó?

Matio 14:29

Yěsô gɔɔn né ye ngie: Tóo! Piɛ kẅɛɛ tsɛ̀ɛ kanú’, ńne ńgiŋe ndùm ntse légʉa ńzá’a yé.