Lukase 17:24 - Nouveau Testament en Ngienboum

²⁴ *Míŋ Nyìŋ ge zɔɔn lá’ tó mé pú ńgyá yé pá’ nně mbʉ̀ŋ gie e lěen ngie ŋwâŋ, ḿbú ńkyɛ’ jʉ’ ntsèm tsèm.

Lukase 17:24 Referans Kwoze

Matio 24:27

Pi zsé ngie á lɔɔn ńgwɔ́ gie nně mbʉ̀ŋ gÿo lê ŋwaŋ, éfó sǎ’ nèm, ńgʉa ńkú mbyě nèm mé pú ńgyá lêkɔ́ wɔ́, mbà *Míŋ Nyìŋ ge lá’ tó pɔ́ pú’u.

Matio 24:30

Àliŋé *Míŋ Nyìŋ leen ńké ńkẅɛɛ lefaŋ. «Mengwòŋo mengwòŋ mie ée ndùmo ssé tsetsá’ kɔ́’ legwé ńdʉa, mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn tÿǒ lefaŋ ne ńtóo, ńgẅiin shʉ́shÿɔ́g mbɔɔ máamáa metʉ́»,

2 Piɛ 3:10

Alyɛ’ɛ́ lá’ Cʉ̀apʉ̀a ge lá’ tó pɔ́ pá’ tsǒŋ tóo lá. À gwɔ́ lyɛ̌’ó, lefaŋ gwaa mag, ejʉ’ zẅɛ tà mé pɔ́g. Eshúm sie ée lefaŋ e pú shÿó, tsetsá’ pâ shúm sie ée ndùmo e pú ḿmag.

Ŋwà’ne Jâg 5:8

Mbɔɔ pi gí, pi lɔgɔ kwɔ́gɔ nnɛ́ ńzẅí’te, tà pi tsyɛte nnɛ́ á nue á cʉ́’ pɔ́ mejʉ’, Cʉ̀apʉ̀a tó.

2 Tesalonika 2:2

Tà pi jú’ pá’ etsɔ́ pʉ̀a ne ńgɔɔn ngie lyɛ’ɛ́ lá’ Cʉ̀apʉ̀a tǒ, ḿvege vege. Tà pi pɔ́g. Tà mbɔɔ pá’ nyìŋ gẅie à neŋé ńtsẅi nkʉ̀ gẅie é fóo mbwo Ssé zɔ lɔɔn ńgɔɔn, tà fó ńgwɔ́ gie pi jǔ’ pɔ́ mbwo nyìŋ gẅie à ne shwóŋó nò Ssé, kà mé fó shwóŋó gẅi pɔ́ ngie mèŋ n zɔ ŋwe’é pú’u wɔ́, tà pi zẅíŋ.

1 Tesalonika 5:2

á nue pi ne ńcwoŋo ńzsé gí ngie lyɛ’ɛ́ lá’ Cʉ̀apʉ̀a ge lá’ vege vege tó pá’ ntsǒŋ gẅie à tóo lêtsẅɛ́’ la.

2 Tesalonika 2:8

Yé fùɔ menò tepòŋ lêen ńké ńkẅɛ. Á yé gẅie Cʉ̀apʉ̀a Yěsô ge lá’ fÿɔ́gɔ zẅɛ̌ ncwò yé ná yé à kwé, ńtí gie Yěsô lɔ̌g ńtó, e gÿo à mag.

Matio 26:64

Yěsô tsɔ́’ɔ mbwó yé ngie: Ɔ̀ gɔ̌ɔn, tà mèŋ n ké nyɛte shwóŋó gẅí, tà fó fʉ̀’ɔɔn, pi ge gÿo gyá «*Míŋ Nyìŋ ńnéŋe nà gwǒŋo pwó tʉ̀ ye Ngàŋa tʉ̀ ntsem, é gíŋe gyá à ne fóo tsɛ̀ɛ melɔ́ɔn tÿǒ lepwó ńtóo».

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Matio 5:15

Mé ké tè piŋ ńdyɛɛ lâm, ńdɔg ngwʉ̌ŋ ńkábte wɔ́. Mé lyɛɛ lâm, ńtÿɔ́g pɔ́ ndùm tápelè, á kyɛ’ pʉ̀a metsèm pie ée ndá.

1 Korento 1:8

Yé Yěsô Kristo ge gÿo pi tʉte tʉte tà ndá’ ńcʉ́me, à lá’a lyɛ’ gie yé Cʉ̀apʉ̀a wege, ge lá’ gíŋe tó mé le ne ńda’a gẅi nà tsɔ́ mmó wɔ́.