Lukase 16:8 - Nouveau Testament en Ngienboum

⁸ Tá fà’ gÿo ńgyá ntí gie ngàŋa fà’ we lɔ̌g ḿbá’ legyè pú’u, ńcʉ́’ ńzẅíŋ zẅíŋ ngie legyè sé ée wó. Yěsô ma’a twó ngie: Áa nénʉ́ ngie pʉ̀a njÿó yɔɔn zsé lépá’ legyè ńdɔg ńtáŋte menò tsetsɛ̀ɛ pɔ́b, ńtɔ́g pʉ̀a pie é záb ntʉ́m wɔ́b nà Ssé.

Lukase 16:8 Referans Kwoze

1 Tesalonika 5:5

Pi metsèm zɔɔn ńgwɔ́ pɔ́ pʉ̀a pie é giŋe ná jʉ’ gie áa ye kyɛ̀’, ńgwɔ́ pʉ̀a pie é giŋe pɔ́ zsǒ. Pege tè pʉ̀a pie é giŋe tsẅɛ́’ wɔ́, ńké tè pʉ̀a pie é giŋe lê nzěm wɔ́.

Efeso 5:8

Pi kaa tsɔ́ fʉ̀’ ńgwɔ́ pɔ́ tsɛ̀ɛ nzěm. Á cʉa ná pá’ pi kéen ńda nnɛ́ ná Cʉ̀apʉ̀a, pi cʉ́’ ńgwɔ́ fʉ̀’ɔɔn ńgwɔ́ pɔ́ jʉ’e fɔ̌g. Pú’u la, pi gwaa gÿo kɔ̀ɔkɔ́ɔ gí wɔ́, ńgÿo pá’ pʉ̀a pie pɔ́ ée nà jʉ’e fɔ̌g.

Lukase 16:10

Mé lɔɔn ńcʉ́me mûɔ mémmó mbwo nyìŋ, á pɔ́ɔn mboŋó, mbà á ge tó gwɔ́ gie á gyɔ́ɔn, à gíŋe ḿbɔ́ɔn pɔ́ pú’u, ńcʉ́me mûɔ mémmó mbwo nyìŋ à tè pɔ́ɔn mboŋó wɔ́, mbà á ge tó gwɔ́ ye lÿò á le pɔ́ɔn mboŋó wɔ́.

Ŋwà’ne Jâŋ 12:36

Akyɛ̀’ lɔɔn ńnyé tsetsɛ̀ɛ pi, pi záb ntʉ́m nà kyɛ̀’, ńdɔg ńcʉ́’ púɔ kyɛ̀’. Yěsô gɔɔn yɔɔn nò tà á ku’, á gʉa ńdyeen jʉ’ gie pɔ́ té ge gyá yé wɔ́.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.

Lukase 16:4

Ńńnéŋe tà ńgɔɔn ngie: N zsě pá’ mèŋ n ge gÿo tà fʉ̀’ gie mé kẅilé wɔ̀ɔn nà fà’ la, epʉ̀a kúe wɔ̀ɔn membʉ̀a mɔ́b,

Lukase 20:34

Yěsô tsɔ́’ɔ mbwo pɔ́b ngie: Áa nà fʉ̀’ɔɔn, mbàŋa lâ pànzwě ne ńzɔ́’ɔ.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

1 Korento 3:18

MÀbɔ́ɔn nyìŋ léfʉte twó mbùm yé. Nyìŋ lɔɔn ńgwɔ́ tsetsɛ̀ɛ pi ńne ńkwaŋa ngie pʉ̀a njÿó ne ńgyá ngie áa nzsé nò, á zɔɔn ḿvɔg sele ńcʉ́’ʉ pʉ̀a tá ńdeen ńké ńgwɔ́ kwà’ nzsé nò.

Lukase 18:6

Yěsô fó mǒ ngie: Pi cwoŋo ńjú’ gí nò gie ntsɔ́’te ntsaŋ wɔɔn gɔ̌ɔn, tá ńgwɔ́ tè pɔ̌g Ssé.

Matio 17:26

Piɛ tsɔ́’ ngie: Pʉ̀a lá’a ntÿɔ́’ zɔ̌ ná. Yěsô gɔɔn né yé ngie: Pʉ̀a lá’ té ńdɔgɔ ńgẅiin lénáa tsɔ́ mmó wɔ́, á té pú’u wɔ́ ka?

Matio 12:32

Nyìŋ lɔɔn shwóŋó tepòŋ ná *Míŋ Nyìŋ, mbà Ssé ge lá’ lege ńnáa mbwó yé. Tá nyìŋ ké shwóŋó tepòŋ á nà Zẅìge Ndʉalʉ̌a, mbà á gwɔ́ pɔ́ ná yɔɔn kème njÿó, mé le lege ńnáa mbwó yé wɔ́, e ké le lá’a nà tsɔ́ kème njÿó ńdege ńnáa mbwó yé wɔ́.

Lukase 16:7

Ńgɔɔn mbwo tsɔ̌ nyìŋ ngie: Ɔɔ pá’a ńgẅiin láa gẅie ɔ̀ ge náa mbwo tá fà’ wɔ̀ɔn? Á gɔɔn ngie: ngesáŋ ntsíŋ pɔ̀ɔn nkÿo. Á gɔɔn ngie: Ŋwà’ne jú yɔɔn, ńŋwe’e móm lefɔ̌ɔn fʉ̀’ɔɔn.

Lukase 20:35

Tá ńgʉa ná pʉ̀a pie Ssé gyǎ ngie à ge zíme wɔ́b, pɔ́ kú yɔ́b tsɛ̀ɛ ngwòŋ sẅé, mbà tsɔ̌ lézɔ́’ à tè gíŋe ńgwɔ́ wó mbwo pɛ̌ mbàŋa lâ pɛ̌ pànzwě wɔ́.