Lukase 16:2 - Nouveau Testament en Ngienboum

² Á tóŋo yé ńzɛ́te yé ngie: N jǔ’ mé gɔɔn ngie ɔ̀ cʉ’ʉ́ ńgÿo pɔ́ lêkɔ́ lɛ? Pʉ́le sáŋ shúm sie n da cʉ́me mbwo gù éshwóŋó wɔ̀ɔn. Mèŋ, n cʉ’ʉ́ ńnyé ńkwoŋo ngie ɔ̀ líe shúm sɔ́ɔn mɔ́.

Lukase 16:2 Referans Kwoze

Ŋwà’ne Ngyà jʉ’ 20:12

M biŋ ńgyá mepfó ssé, é melÿò mbɔɔ penkʉ́, pɔ́ tyéte mvfò lʉŋe lefùɔ. N gíŋ ńgyá pá’ mé nyɛ́’ɛ meŋwà’ne. Mé gÿo ńgíŋe nyɛ́’ɛ yetsɔ́, á gwɔ́ gie mé la ŋwe’e mezíŋ pʉ̀a pie pɔ́ gẅiin légwɔ́ tèmì tsoló. Mé lɔgɔ mmó gie mé la ŋwe’e tsɛ̀ɛ meŋwà’ne ńŋag mepfó ssé, ńŋaga wɔ́b pɔ́ pá’ mefà’ mɔ́b ka gwɔ̌.

1 Piɛ 4:10

Awɔ̌wɔ́ɔ lɔgɔ yé fù’ gie Ssé lɔ̌g ńcÿó gʉm yé, ńkẅéte mefɛ́ pé. Pi gwɔ́ pá’ megàŋa fà’ pe mbòŋo pie pɔ́ ne ńkú’te fù’ mentí mentí gie Ssé náa mbwo pɔ́b pá’ á ge kẅéte petsɔ́ pʉ̀a.

1 Piɛ 4:5

Tá’ pɔ́ ge gÿo tyé mvfò Ssé gẅie à tyě pá’ à ge zá’ ntsaŋ pʉ̀a metʉ̀ pâ mepfó ssé, építe ncwò wɔ́b nà ngÿǒ menò mɔ́b.

1 Timote 5:24

Petsɔ́ pʉ̀a gÿo nò tepòŋ mé gyá pɔ́ lê nÿɔ́g. Petsɔ́ pʉ̀a fʉa mé lá’ ńŋaga wɔ́b tá ńzsé.

1 Timote 4:14

Tè lɔgɔ mmó gie e Ssé la lɔg ńcÿó gʉm jú, ḿma’a kwaŋ. Néŋe ne ńkímte pá’ pàkẅé mvfò tsɛ̀ɛ cú’tè pʉ̀a Kristo la cú’te, ńgwɔ záb mbwó mɔ́b twó gù, ńtsẅi nkʉ̀ gẅie é fóo mbwo Ssé.

2 Korento 5:10

á nue á ne ńzɛ́te ngie pege metsèm cʉa mvfò Kristo à ŋaga wégè, à cʉa pú’u, awɔ̌wɔ́ɔ kẅé wé ntsɔ’ɔ́ fà’ ná mmó gie à la gÿo, á gwɔ́ ye mbòŋo kà ye tepòŋ wɔ́, á fʉ̀’ gie à laa tsɛ̀ɛ yɛ̌ mbùm nnɛ́.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

1 Korento 4:2

Ammó gie mé ne ńzẅí’te mbwo pʉ̀a pie pɔ́ gẅiin nò nà fà’, á gwɔ́ pɔ́ ngie pɔ́ zsé pɔ́ ndà’ mmó gie mé zɛ́te ngie pɔ́ gÿo.

1 Korento 1:11

Mefɛ́ pɔ́ɔn, mèŋ n zɔɔn ńgɔɔn pá’ɔɔn nue epʉ̀a nà ngẅɛ̀ Keloé ka shwóŋó wɔ̀ɔn nò ná pi, ngie fàgte kéen ńkúu tsetsɛ̀ɛ pi.

Roma 14:12

Pege lɔgɔ pá’ɔɔn ńgyá ngie wɔ̌wɔ́ɔ tsetsɛ̀ɛ pege wɔ́ ge lá’ tyé mvfò Ssé, kwà’ yé zɔ píte ncwò wé ná pá’ à kɔ̌ɔn ńgÿo.

Lukase 12:42

Yěsô tsɔ́’ɔ mbwo yé ngie: Ngàŋa fà’ we nénʉ́, á gẅie à gẅiin legyè, aa pé’e ńgwɔ́ wɛ̌? Aa gẅie tá fà’ ge gÿo gwaa gʉa, é gɔɔn né yé ngie: Afà’ gie mèŋ n nyě mbwo gù á yɔɔn, cʉ́’ ná shúm léjÿó mbwo petsɔ́ megàŋa fà’ á nà fʉ̀’ gie á ne ńzɛ́te.

Lukase 12:20

Tá’, e Ssé gɔɔn né yé ngie: Ɔɔ gʉ̀gʉ̀, mèŋ, n ge lɔgɔ gú gʉa pɔ́ kwà’ lêtsẅɛ́’ lyɛ̌’ɔɔn. Eshúm sie ɔ̀ sěen ńcú’te tsɛ̀ɛ menkìŋ lɛ cʉ́’ se wɔ́?

Matio 12:36

Mèŋ shwóŋó gẅí: Á ge la’a lyɛ̌’ gie e Ssé tsɔ́’te metsaŋ pʉ̀a mesoŋ, wɛ̌ nyìŋ wɔ́ gẅiin lépíte megʉ̀gʉ̀ shwóŋè mie é lǎ kẅɛɛ ncwò yé.

Matio 20:8

Àfʉ̀’ ye létsɔ́’ɔ fà’ ku’, àngàŋ nká’ tsẅii mbwó nyìŋ gẅie à líe shúm sé ngie: Tóŋ megàŋa fà’, ńná nkáb yɔb, zye ná pʉ̀a pie mèŋ n toŋó wɔ́b nà fà’ pɔ́ nzèm la, ńgʉa ńkúu ná pʉ̀a pie mèŋ n ně ńzye ná pɔ́b

Lukase 16:1

Yěsô gíŋe saga mbwo *ngàŋa kwò yé ngie: Atsɔ̌ ngàŋa mmó lǎ’ ńgẅiin ngàŋa fà’ gẅie à pǔ ńdíe shúm sé ntsèm. Mé fó lyɛ̌’ shwóŋó yé ngie à ngàŋa fà’ ŋwɛ́ cʉ’ʉ́ ńcʉŋte shúm sé cʉŋte.

Lukase 16:3

Ngàŋa fà’ ŋwɛ́ jú’ ńkwaŋte ngie: Mèŋ n ge gÿo lêkɔ́ pá’ tá fà’ wɔ̀ɔn gee njwǒŋ mèŋ lɔɔn? N dɔɔn ngie n ge jʉ́’ ngwóŋ, n dɔg tʉ̀ nzɔ̌? Ńcʉ́’ʉ ngàŋ ndúɔ, mbà á ge gwɔ́ nò shʉ́ ná mèŋ.