Lukase 16:16 - Nouveau Testament en Ngienboum

¹⁶ Yěsô gíŋe ńgɔɔn ngie: Jâŋ ka gwaa tó, mé ne ńjú’u pɔ́ mbʉ̌ Mǒsê, pɔ́ menò *pàntsẅì nkʉ̀ Ssé, mé ée fʉ̀’ɔɔn ńne ńtsẅii Nkʉ̀ Mbòŋo ńdɔgɔ́ ḿbÿé ngie *lefùɔ Ssé zyě létó. Awɔ̌wɔ́ɔ ne ńkaga tʉ̀ lézẅíŋ ngie Ssé zɔ cʉ’ʉ́ sá’a yé.

Lukase 16:16 Referans Kwoze

Matio 21:32

ńti pá’ Jâŋ la tó ńnyɛɛ gẅi mánzsè gẅie e Ssé ne ńkwoŋo ngie pi giŋe mǒ, tá pi lʉ’ʉ nò gie à gɔ̌ɔn lʉ’. Pàkẅé ncùb mbɔɔ pàkáa tÿǒ pànzwě ké ńzẅíŋ, pi piŋ ńké tè gyá pú’u, ńkúbe mà gẅi, ńzẅíŋ gí wɔ́

Ŋwà’ne Jâŋ 1:45

Filib gʉa ńgyá Natanayɛl, ńgɔɔn né yé ngie: Peg gyǎ nyìŋ gẅie mé la ŋwe’e nò ná yé tsɛ̀ɛ ŋwà’ne mbʉ̌ Mǒsê, mbɔɔ tsɛ̀ɛ meŋwà’ne pà *ntsẅì nkʉ̀ Ssé. Peg gyǎ yé, á gwɔ́ Yěsô, mìŋ Yesyɛ̂b, á mûɔ Nǎzarɛd.

Lukase 16:31

Tá Ábalam gɔɔn né yé ngie: Pɔ́ lɔɔn tè jú’u shwóŋè Mǒsê mbɔɔ ye *pàntsẅì nkʉ̀ Ssé wɔ́, mbà nyìŋ zɔɔn ńzím zím, ńtó shwóŋó wɔ́b pɔ́ kɔ́ wɔ́, pɔ́ le zẅíŋ.

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Megàŋ ntúm 3:18

Tá’, e Ssé fó mǒ ńgÿo anò gie à la tʉ́ njÿó ńdɔg ncwò pà Ntsẅì nkʉ̀ pé métsèm ńgɔɔn á pumte. Yɛ̌ nò gwɔ́ ngie *Nzà’nkÿo we kɔ̌ɔn ńge lá’ gyá ngɔ́’.

Lukase 16:29

Ábalam tsɔ́’ɔ mbwo yé ngie, mefɛ́ pú gẅiin ŋwà’ne Mǒsê, ńgíŋe ńgẅiin me *pàntsẅì nkʉ̀ Ssé. Pɔ́ jú’ ntÿɔgɔ́ gẅie ée tsɛ̀ɛ wó.

Lukase 10:11

Peg pú’u pfepfɔ́b gí nà mekwò még ngie à piŋ nzèm ńkúu twó pi, tá pi ke ńzsé ngie afʉ̀’ gie Ssé ge nyɛ lefùɔ sé tsoté tà ńgwɔ́ lejʉ́ŋ pi.

Lukase 10:9

Megàŋa guɔ gwɔ́ jʉ’ó pi gÿo pɔ́ zéŋe, ńgɔɔn mbwo lá’ ngie: Afʉ̀’ gie Ssé ge zye lényɛ *lefùɔ sé tsoté tà ńgwɔ́ lejʉ́ŋ pi.

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Lukase 9:2

Ńdêen ńké ńtúmo wɔ́b ngie pɔ́ gʉa shwóŋ pá’ nò *lefùɔ Ssé áa pú’u, ńgíŋ ńgÿo megàŋa guɔ zeŋe,

Malékuse 1:14

Mé la gwɔ́ tà ńgwoon Jâŋ ńnéŋe ndá tsǎŋ, Yěsô gʉa nê Galilea. À lɔ̌ɔn ńtsẅii nkʉ̀ mbòŋo gẅie é fóo mbwo Ssé ńgɔɔn ngie:

Matio 10:7

Pi gʉa sá’ éshwóŋ pʉ̀a ngie: *Lefùɔ Ssé tsoté tà ne ḿbɔ́ɔnte.

Ŋwà’ne Jâŋ 12:19

Pà *farisay gyá pú’u, ńgɔɔn tsetsɛ̀ɛ pɔ́b ngie: pi kaa gyá ka. Atsɔ́ mmó gie à lɔɔn ńgwɔ́ pege gÿo á té wó wɔ́. Alá’ cʉ́’ ńgwɔ́ pɔ́ nzèm ye.

Ŋwà’ne Jâŋ 11:48

Pege lɔɔn ńnyé yé á lɔg ńgʉa mvfò, mbà mânyìŋ ntsèm ge záb ntʉ́m ná ye. Pà *Roma tó ńgwɔ́ tɔ’, ńtága *jʉ’ʉ Ssé Yerósalem, mbɔɔ ngwòŋ wégè.

Malékuse 1:45

Tá á gʉa, ńdeen ńgwá ńdɔgɔ nò ŋwɛ́ sá jʉ’. Á gwɔ gwɔ́ tà Yěsô tě ńgíŋe shʉ̀a shʉ̀a, ńkúu tsɔ́ tÿǒsoŋ wɔ́, ńcʉ́’ʉ ńzso pɔ́ mánzsè, á jʉ’ gie pʉ̀a té wó wɔ́. Mé ké ńně fóo jʉ’ ntsèm, ńtóo tǒ, ńgyá yé.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Matio 15:11

àmmó gie á fó ncwò nyìŋ ńkúu lepfòm yé, té cʉŋte yé wɔ́, àgie á kẅɛɛ ncwò yé zɔ̌ cʉŋte yé.

Ŋwà’ne Jâŋ 5:4

Á nue, atsɔ̌ *cÿɔ́’ Ssé lɔ̌ɔn ńnéŋe ńgwá sẅɛ́’ɛ ḿbʉe ntse, angùɔ gẅie à vɔ̌g ńkúu tsɛ̀ɛ ntse fʉ̀’ gie e cʉ’ʉ́, á zeŋe nà yé gùɔ tà pá’ á lɔɔn ńgwɔ́ pɔ́ yɛ̌ ntí wɔ́.]