Lukase 16:11 - Nouveau Testament en Ngienboum

¹¹ Pi lɔɔn tè ku’u lépɔ́ɔn shúm se yɔɔn njÿó ye tepòŋ wɔ́, mbà à lɔɔn ńgwɔ́ wɔ̌ cʉ́me kwà’ shúm se tʉ̀ nzẅìŋ mbwo pi?

Lukase 16:11 Referans Kwoze

Lukase 12:33

Pi sẅíŋ shúm sie pi gẅiin, ńná nkáb mbwo pàtèmmó, ńdɔgɔ ńgẅiin púɔ pɔ̀ɔn nkáb pie é lɔɔn ńgwɔ́ é le tɔ́gte, ńdɔg ńde’e fù’ gí lejʉ́ŋ Ssé. Á jʉ’ gie á lɔɔn ńgwɔ́ wó, á le mag, metsǒŋ le ku’u léjʉ wɔ́, asɔ́ɔn á le ku’u léjÿó wɔ́.

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

Lukase 16:9

Yěsô ma’a twó ngie: Pi lɔg gí shúm se yɔɔn tèpòŋ njÿó, ńkúu kwà’ shǔ gẅie é tsẅé té mì, à lá’ ńtyé fʉ̀’ gie sɛ̌ shúm ŋwɛ́ té nyé wó wɔ́, e Ssé lɔgɔ gẅi ńgʉa lá’ ye, pi tsẅé ńgwɔ́ wó.

Ŋwà’ne Ngyà jʉ’ 3:18

mèŋ n ge ké shwóŋó gẅi ngie pi tóo mbwo mèŋ, ńjúu tʉ̌ gɔ̂l gie mé kéen ńdɔg mmɔ̌g ńkẅile ncÿǒ mǒ ntsèm, ńdeen ńké ńgwɔ́ ngàŋa mmó fʉ̀’ó, ńgíŋe ńjú mefɔ́gɔ nzsǒ mbwo mèŋ, ńzsé ngie pi ge gẅiin nzsǒ gie pi ge ma’, eshʉ́ le gíŋe ńkúu gẅi ngie pi tyeté té jÿɔ́g nzsǒ wɔ́. Pi ge gíŋe júu ffo menÿɔ́g mbwo mèŋ, é ńnéŋe nà menÿɔ́g mí légwɔ́ gie pi ge gyá jʉ’.

Matio 6:24

À lɔɔn ńgwɔ́ tsɔ̌ nkwɔɔn lé jú’ ncwò pʉ̀a mépʉ́a tà’ legʉ̀a wɔ́. À ge jú’ ncwò tá we, e lʉ’ʉ lé jú’ ncwò nyìŋ ndyɛ̀’ɛ. À ge kwoŋo tà’ nyìŋ, é pʉa wetsɔ̌. À lɔɔn ńgwɔ́ pi le ne ńzába ntʉ́m nà Ssé, ńgíŋe ne ńzába nà nkáb wɔ́.

Lukase 16:12

Pi lɔɔn tè zsé lépɔ́ɔn mmó nyìŋ ndyɛ̀’ɛ wɔ́, mbà wɔ̌ ge lá’ náa gie áa kwà’ gí mbwo pi?