Lukase 16:1 - Nouveau Testament en Ngienboum

¹ Yěsô gíŋe saga mbwo *ngàŋa kwò yé ngie: Atsɔ̌ ngàŋa mmó lǎ’ ńgẅiin ngàŋa fà’ gẅie à pǔ ńdíe shúm sé ntsèm. Mé fó lyɛ̌’ shwóŋó yé ngie à ngàŋa fà’ ŋwɛ́ cʉ’ʉ́ ńcʉŋte shúm sé cʉŋte.

Lukase 16:1 Referans Kwoze

1 Piɛ 4:10

Awɔ̌wɔ́ɔ lɔgɔ yé fù’ gie Ssé lɔ̌g ńcÿó gʉm yé, ńkẅéte mefɛ́ pé. Pi gwɔ́ pá’ megàŋa fà’ pe mbòŋo pie pɔ́ ne ńkú’te fù’ mentí mentí gie Ssé náa mbwo pɔ́b pá’ á ge kẅéte petsɔ́ pʉ̀a.

Lukase 12:42

Yěsô tsɔ́’ɔ mbwo yé ngie: Ngàŋa fà’ we nénʉ́, á gẅie à gẅiin legyè, aa pé’e ńgwɔ́ wɛ̌? Aa gẅie tá fà’ ge gÿo gwaa gʉa, é gɔɔn né yé ngie: Afà’ gie mèŋ n nyě mbwo gù á yɔɔn, cʉ́’ ná shúm léjÿó mbwo petsɔ́ megàŋa fà’ á nà fʉ̀’ gie á ne ńzɛ́te.

Ŋwà’ne Jâg 4:3

!Pi zɔɔn ńdúɔ, e Ssé tè ná, mbà áa, mélà’mie pi tè zsé lélúɔ wɔ́. Pi zɔ̌ɔn ńdúɔ pɔ́ lélɔg ńgʉa ńgÿo mmó gie á ne ḿboŋo pɔ́ gẅí.

Titus 1:7

Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

Lukase 15:30

Míŋ ɔ̀ gẅie pâ mekwàla kéen ḿpfɛ́ nkáb jù, à lěen ńtó, ɔ̀ gwóon ńzẅé mûɔ fòŋ gẅie à fáŋ tɛ’ ńtí yé?

Lukase 15:13

é gwaa cʉa lyɛ̌’ shÿɔ́’ɔ tsɔ́ wɔ́, múɔ wá sẅiŋ sé shúm, ńdɔg nkáb ńgʉa lê túm, ńkúu zɔ́gɔ tepòŋ, ḿbú ńcʉŋte nkáb ya,

Lukase 19:20

Wetsɔ̌ tó ńgɔɔn ngie: Metʉ̌a, tà’a pàga nkáb gù wá wɔɔn, n da lɔgɔ mmó nzsǒ ńkwɛ́ ńde’e.

Lukase 16:19

Yěsô gíŋe ńgɔɔn ngie: Tsɔ̌ ngàŋ nkáb lǎ’ ńgwɔ́ wó, ńnéŋe ḿma’a menzsǒ mie é poŋ, ḿbiŋ ńcÿɔ́g nkáb tɛ’, ńgwɔ́ lyɛ̌’ ntsèm, ńjÿó yé pɔ́ línɔ́ɔn.

Lukase 8:3

ńgÿo Jâne, nzwě Shuza gẅie à laa mentsindá fùɔ *Herôd, tà mbɔɔ Sesánɔɔn, ńgÿo petsɔ́ pànzwě. Pɔ́ metsèm gwɔ́ nzèm Yěsô ńdɔgɔ nkáb yɔb ńtóonte Yěsô lâ *ngàŋa kwò yé nà fa’a yɔ́b.

Matio 20:8

Àfʉ̀’ ye létsɔ́’ɔ fà’ ku’, àngàŋ nká’ tsẅii mbwó nyìŋ gẅie à líe shúm sé ngie: Tóŋ megàŋa fà’, ńná nkáb yɔb, zye ná pʉ̀a pie mèŋ n toŋó wɔ́b nà fà’ pɔ́ nzèm la, ńgʉa ńkúu ná pʉ̀a pie mèŋ n ně ńzye ná pɔ́b

Lukase 16:2

Á tóŋo yé ńzɛ́te yé ngie: N jǔ’ mé gɔɔn ngie ɔ̀ cʉ’ʉ́ ńgÿo pɔ́ lêkɔ́ lɛ? Pʉ́le sáŋ shúm sie n da cʉ́me mbwo gù éshwóŋó wɔ̀ɔn. Mèŋ, n cʉ’ʉ́ ńnyé ńkwoŋo ngie ɔ̀ líe shúm sɔ́ɔn mɔ́.