Lukase 15:7 - Nouveau Testament en Ngienboum

⁷ Áa pú’u, tá mèŋ shwóŋó gẅí: Tà’ ngàŋ mefʉ̀a lɔɔn ńkúbe mà we, mé kága tÿǒ lepwó tɛ’, ńcʉa pá’ à lɔɔn ńgwɔ́ mé kága ná pʉ̀a ntsɔ̀b lepfwɔ’ɔ́ lê móm lepfwɔ’ɔ́ pie pɔ́ gyǎ ngie pɔ́ ée nénʉ́ tà ńgwá ńgwɔ́ pɔ́ le kúbe mà wɔb wɔ́.

Lukase 15:7 Referans Kwoze

Lukase 5:32

Mèŋ n ka tè tó pɔ́ létóŋ pʉ̀a pie pɔ́ kwáŋ ngie pɔ́ ée pʉ̀a membòŋo ngie pɔ́ piŋe mbwo Ssé wɔ́. Mèŋ n ka tǒ ńtí pɔ́ megàŋ mefʉ̀a.

Lukase 15:10

Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

Matio 18:13

Tà mèŋ shwóŋó gẅí, kwà’ nénʉ́, à fa’ yɛ̌ tà ńgyá, mbà à ge pú kága ná yɛ̌, é cʉa petsɔ́ ntsɔ̀b lepfwɔ’ɔ́ lê móm lepfwɔ’ɔ́ pie é kaa pyé.

Roma 7:9

Á laa fʉ̀’ gie n da nyé tè zsé *lepʉ̌ Ssé, ńjú’ ńgwɔ́ pɔ́ ntentʉ́, n da piŋ ńgwɔ́ tà ńzsé, létsɔ́ɔn légÿo nò tepòŋ kúu ná mèŋ,

Lukase 16:15

Á gɔɔn mbwo pɔ́b ngie: Pi pɛ̂, pi zɔ̌g ḿbab pʉ̀a ngie pi ee pʉ̀a mbòŋo, tá’, e Ssé ké ńne ńzsé pá’ letʉ́m sí ée pú’u. Pi zsé ngie: Anò gie pʉ̀a mesoŋ gyá ngie áa nò tɛ’, áa mvfò Ssé ńgwɔ́ nò shʉ́.

Lukase 15:29

Á tsɔ́’ɔ mbwo yé ngie: Tɔ̌ɔn, mèŋ fa’á mbwo gù ngù’ shÿɔ́’ɔ? N dǎ ké fʉa *lepʉ̌ shú? Tà ɔ̀ lǎ fó ńnáa wɔ̀ɔn mûɔ mvfó ndà’ ngie pega meshǔ pɔ́ɔn zẅé ńdɔg ńkág?

Matio 3:8

Pi gÿo pɔ́ menò mbòŋo mie e nyɛɛ ngie pi kubé mà.

Lukase 15:6

é lɔg piŋ tà kúu mbʉ̀a, é tóŋ meshǔ pé mbɔɔ ngàŋ nkwɔ’ɔ́ mbʉ̀a, é gɔɔn né pɔ́b ngie: Pege kág ńtí pá’ n gyǎ *njʉ̀njÿò yɔ̀ɔn mie e kà pyě.

Lukase 15:8

Pi gíŋe ńjú’u tsɔ́, manzwě lɔɔn ńgẅiin nkáb ye pàg legém, tà’a pàg pyé, mbà à ge gǎ? Mbà à tè lyɛɛ lâm, é jÿɔg ndá, é ta’ kʉ̀ŋe, é pʉ́le fa’ tà lá’ gyá wá?