Lukase 15:6 - Nouveau Testament en Ngienboum

⁶ é lɔg piŋ tà kúu mbʉ̀a, é tóŋ meshǔ pé mbɔɔ ngàŋ nkwɔ’ɔ́ mbʉ̀a, é gɔɔn né pɔ́b ngie: Pege kág ńtí pá’ n gyǎ *njʉ̀njÿò yɔ̀ɔn mie e kà pyě.

Lukase 15:6 Referans Kwoze

Lukase 15:10

Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Lukase 15:24

ńtí pá’ míŋ wɔ̀ɔn mɔɔn à ka kwě, à zǐm, à ka pyě, n giŋé ńgyá yé. Á gɔɔn pú’u, pɔ́ zye lékág.

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Filipo 2:17

À gẅi lézáb ntʉ́m ná Yěsô aa pá’ shúm pwɔ́’ sie pi nuŋe mvfò Ssé, ńgwɔ́ gie mé lɔɔn ńzẅé wɔ̀ɔn, mbà é lɔgɔ ńgwɔ́ pá’ wɔ̀ɔn pwɔ́’ gẅie mèŋ n nuŋé mvfò Ssé. Á tó ńgwɔ́ pú’u, mbà mèŋ n gee shÿó mbòŋo, mbà pege ge pú kág.

Megàŋ ntúm 15:3

Acú’tè pʉ̀a Kristo ye Antiokia ná shúm sie á ne ńzɛ́te mbwo pɔ́b lélɔg ńcʉ́me mánzsè. Pɔ́ cʉa tsɛ̀ɛ ngwòŋ Fenisia, mbàa tsɛ̀ɛ we Samalîɛ, ńgiŋe shwóŋó mbwo pʉ̀a Kristo ngie pʉ̀a pie é té pà Yuda wɔ́ kéen sele nnɛ́ tà ńcʉ́’ ńgwɔ́ pɔ́ nzèm Cʉ̀apʉ̀a, mefɛ́ mefɛ́ jú’ ḿbú ńkág tɛ’.

Ŋwà’ne Jâŋ 15:14

Pi lɔɔn ńgÿo mmó gie mèŋ n zɛté gẅí, mbà pi cʉ̌’ ńgwɔ́ pɔ́ meshǔ pɔ́ɔn.

Ŋwà’ne Jâŋ 3:29

Nyìŋ gẅie à zɔ́’ɔ manzwě zɔ aa ndǔm manzwě. Ashǔ ndǔm tyé lejʉ́ŋ ndǔm, á gɔɔn nò, á jú’ ngyè ye, anò poŋo yé tɛ’. Mèŋ n ne ńkága yɔ́ɔn pɔ́ pú’u, ḿbiŋe ńkága tà ḿmaga ntʉ́m wɔ̀ɔn.

Lukase 15:7

Áa pú’u, tá mèŋ shwóŋó gẅí: Tà’ ngàŋ mefʉ̀a lɔɔn ńkúbe mà we, mé kága tÿǒ lepwó tɛ’, ńcʉa pá’ à lɔɔn ńgwɔ́ mé kága ná pʉ̀a ntsɔ̀b lepfwɔ’ɔ́ lê móm lepfwɔ’ɔ́ pie pɔ́ gyǎ ngie pɔ́ ée nénʉ́ tà ńgwá ńgwɔ́ pɔ́ le kúbe mà wɔb wɔ́.

1 Piɛ 2:10

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.

1 Tesalonika 2:19

Pi zɔ zɔɔn ńgwɔ́ pʉ̀a pie pɔ́ gÿo peg ne ńzẅí’te lyɛ’ɛ́ lá’ Cʉ̀apʉ̀a tɛ’. Pi zɔɔ weg lekág, ńgwɔ́ yeg *ngǔ’ gie peg ge lá’ lɔg tyé mvfò Cʉ̀apʉ̀a wege, á fʉ̀’ gie à ge lá’ gíŋe tó.

Filipo 4:1

Mefɛ́ pɔ́ɔn pe ntʉ̀ nzẅìŋ, áa yɛ̌ tá mèŋ n gɔɔn né pi ngie, pi lɔgɔ gẅi leńnéŋe ńnyɛ ngie pi kú’te nò Cʉ̀apʉ̀a tà á tʉ̀. Mèŋ n ne ńtsɔ́ɔn légíŋe ńgyá gẅí. Pi ée mefɛ́ pɔ́ɔn pe ntʉ̀ nzẅìŋ. Pi pie pi ee ssé ńgwɔ́ wɔ̀ɔn lekág, ńgwɔ́ yɔ̀ɔn *ngǔ’.

Filipo 1:4

N gwɔ́ sẅíŋte Ssé nà twó sí fʉ̀’ ntsèm, ntʉ́m wɔ̀ɔn ne ńkága kǎg,

Lukase 1:58

Megàŋ nkwɔ’ɔ́ mbʉ́a pâ mefɛ́ pé jú’ pá’ Cʉ̀apʉ̀a tsɔ̌ɔn mezìŋe mé, ńnáa yé mûɔ, pâ pɔ́ pú ńkág.

Lukase 15:5

À ge fa’ tà gyá, é pú kág, é kaa zába mekẅí yé,