Lukase 15:5 - Nouveau Testament en Ngienboum

⁵ À ge fa’ tà gyá, é pú kág, é kaa zába mekẅí yé,

Lukase 15:5 Referans Kwoze

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Lukase 19:9

Yěsô jú’, ńgɔɔn ngie: E Ssé gÿǒ yɔɔn tsìŋe ndá pú ńtsẅɛ́ lyɛ̌’ɔɔn, mélà’mie Sakîo giŋé ńgwɔ́ yé tsɔ̌ míŋ Ábalam!

Lukase 23:43

Yěsô tsɔ́’ ngie: Mèŋ shwóŋó gú, áa kwà’ nénʉ́, ngie, pé lyɛ̌’ɔɔn pɔgɔ ge gwɔ́ tsɛ̀ɛ lekág mvfò Ssé.

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

2 Timote 2:26

ńgíŋe ńkwaŋa nò pá’ á kě ńne ńzɛ́te ngie pɔ́ kwaŋ, ńdeen ńké fóo tsɛ̀ɛ mejÿɔ́’ mie Sátà la lɔg ńgwoon wɔ́b ńkẅɛ. Mbà pɔ́ kaa tsoló ńcʉ́’ ńgwɔ́ pɔ́ megàŋa tsǎŋ, ńgÿo pɔ́ mmó gie Sátà ne ńkwoŋo.

1 Tesalonika 1:5

Á nue peg ka tè lɔg pɔ́ shwóŋè ndà’ ńtsẅi nkʉ̀ mbòŋo lá’ pi wɔ́, peg ka lɔg pɔ́ metʉ̀ Zẅìge Ndʉalʉ̌a, ḿbiŋ ne ńcwoŋo ńzsé ngie Nkʉ̀ gẅie peg kɔ̌ɔn ńtsẅii kaa nénʉ́, pi ne ńzsé mmó gie peg la gÿo fʉ̀’ gie peg laa tsetsɛ̀ɛ pi, á la gwɔ́ pɔ́ lélɔg ńkẅéte gẅí.

Efeso 3:7

E Ssé la cÿó pɔ́ gʉm yɔ́ɔn tá ńgÿo n gwɔ́ ngàŋa fà’ létsẅi nkʉ̀ mbòŋo. À la lɔg pɔ́ metʉ̀ mé tá ńgÿo pú’u.

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Ŋwà’ne Jâŋ 15:11

Mèŋ n gɔɔn yɔɔn nò mbwo pi légwɔ́ gie lekág gẅie aa tsɛ̀ɛ ntʉ́m mèŋ ge gíŋe gwɔ́ tsɛ̀ɛ ntʉ́m gẅí, pi gẅiin kwà’ lekág.

Lukase 15:4

Nyìŋ gẅi lɔɔn ńgẅiin *njʉ̀njÿò ye nkÿo, ńgʉa tsẅɛ ḿpféle, tà’ pyé, mbà à ge gǎ? Mbà à tè nyé yetsɔ́ ntsɔ̀b lepfwɔ’ɔ́ lê móm lepfwɔ’ɔ́, é gʉa fa’ gie e pyě tà gyá wɔ́?

Lukase 15:6

é lɔg piŋ tà kúu mbʉ̀a, é tóŋ meshǔ pé mbɔɔ ngàŋ nkwɔ’ɔ́ mbʉ̀a, é gɔɔn né pɔ́b ngie: Pege kág ńtí pá’ n gyǎ *njʉ̀njÿò yɔ̀ɔn mie e kà pyě.