Lukase 15:4 - Nouveau Testament en Ngienboum

⁴ Nyìŋ gẅi lɔɔn ńgẅiin *njʉ̀njÿò ye nkÿo, ńgʉa tsẅɛ ḿpféle, tà’ pyé, mbà à ge gǎ? Mbà à tè nyé yetsɔ́ ntsɔ̀b lepfwɔ’ɔ́ lê móm lepfwɔ’ɔ́, é gʉa fa’ gie e pyě tà gyá wɔ́?

Lukase 15:4 Referans Kwoze

Lukase 19:10

*Míŋ Nyìŋ la zɔɔn ńtó pɔ́ léfa’ pʉ̀a pie pɔ́ la kúu pyé, é gÿo pɔ́ tsẅɛ́.

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

Matio 12:11

Yěsô tsɔ́’ɔ mbwó pɔ́b ngie: Àwɔ̌ aa tsetsɛ̀ɛ pi pɛ́’ɛ, ńgwɔ́ gie à lɔɔn ńgẅiin mûɔ *njʉ̀njÿò pɔ́ wémɔ’ɔ́, á gwe tsɛ̀ɛ tɔ́ɔn lyɛ’ɛ́ nzse, á nyé té fó tsɛ̀ɛ wó ńgwóon ńkẅile yé?

Lukase 13:15

Tá Yěsô tsɔ́’ɔ mbwo yé ngie: Pi ee ngàŋa cÿɔ̌ nò, awɔ̌ ná pi tè gʉa lyɛ’ɛ́ nzsè yégè, ńkyɛ́’ɛ foŋ we, ka pɔ́ nzikáase ye wɔ́, ńdɔg ńgʉa á nú ntse wɔ́?

Roma 2:1

Ńgwɔ́ nyìŋ zye letúu *lɔ̌’ pʉ̀a pie é gÿo yɛ̌ ntí menò, gù gẅie ngwɔ́ ɔ̀ tú, zsé ngie ńgwɔ́ ɔ̀ lényé té gwé jú ntsaŋ gwé wɔ́, tà pá’ ɔ̀ lɔɔn zɔɔn ńgwɔ́ pɔ́ wɔ wɔ̌. Pú’u ńtí nue ɔ̀ ne ńtúu *lɔ̌’ pʉ̀a tá’ ńgíŋe ne ńgÿo jú pɔ́ pá’ pɔ́b ńdɔgɔ sele ńtúu pɔ́ ndʉ̀ ńdɔgɔ ńkwɛ́ mbùm jù.

Lukase 15:3

Yěsô lêen ńké saga mbwo pɔ́b ngie: