Lukase 15:2 - Nouveau Testament en Ngienboum

² Pà *farisay pâ *pàkyàgte lepʉ̌ Mǒsê gyá pú’u, ńné ńzẅɛte tsetsɛ̀ɛ pɔ́b ńgɔɔn ngie: Nyìŋ wɛ ne ńkúe pʉ̀a tepòŋ tà pâ pɔ̌ teme shúm ńjÿó.

Lukase 15:2 Referans Kwoze

Matio 9:11

Pà *farisay gyá pú’u, ńzɛ́te *ngàŋa kwò Yěsô ngie: Mélà’a kɔ́ tá gẅi pâ pà kẅé ncùb pà *Roma lâ petsɔ́ pʉ̀a tepòŋ teme shúm ḿpfɛ́ɛ?

Lukase 19:7

Alá’ la gyá pá’ pɔ́ ye gee, ńzẅɛ́te ngie: A gẅie à gee ndá nyìŋ tepòŋ ńda’a lɛ.

Lukase 7:39

Nyìŋ *farisay gẅie à ně ńtóŋo Yěsô gyá pú’u, ńkwáŋte ntʉ́m yé ngie, nyìŋ wɔɔn gwe’e ńgwɔ́ kwà’ *ntsẅì nkʉ̀ Ssé, mbà à zsě lii manzwě gẅie à zába pwó ná ye lɛ, mbà à zsě ngie aa manzwě tepòŋ.

Lukase 5:30

Tsɔ́ pà *farisay lâ tsɔ́ *pàkyàgte lepʉ̌ Mǒsê gyá pú’u, ńne ńzẅɛ́te, ńzɛ́te megàŋa nkwò Yěsô ngie: Mélà’a kɔ́ pi lâ pàkẅé ncùb lâ petsɔ́ pʉ̀a tepòŋ teme shúm ńjÿó?

Megàŋ ntúm 11:3

Ɔ̀ ka kúu ndá pʉ̀a pie mé la té wɔ́b pú’ tà pia pɔ̌ fó ńjÿó mbɔɔ shúm léjÿó.

Lukase 7:34

*Míŋ Nyìŋ kéen ńtó yé fʉ̀’ɔɔn, ńně ḿpfɛ́ɛ mmó, ḿbiŋe ńnúu melù’, pi gɔɔn ngie mé líe yé tá ńgyá, nyìŋ wɛ̂ gwɔ́ pɔ́ mpfɛ̀ɛ mmó, ńgwɔ́ nnù melù’, ńgwɔ́ sǒ pàkẅé ncùb pà *Roma, mbɔɔ we petsɔ́ pʉ̀a tepòŋ.

Galatia 2:12

Yɛ̌ nò gwɔ́ pá’, pʉ̀a pie Jâg la túm, la gwaa tó, Piɛ pâ pʉ̀a Kristo pie é té pà Yuda wɔ́ ne ńteme ńjÿó mmó. Pɛ̌ pʉ̀a gwɔ́ tà ńtó á lɔg pɔ́ ndɔ́ɔn ndɔ́ɔn ńkẅɛɛ tsetsɛ̀ɛ pɔ́b, pâ pɔ̌ cʉ́’ʉ ńteme mmó wɔ́, á nue à la ne ḿbɔ́gɔ nò gie pʉ̀a pie é kẅite nò lépú’ pʉ̀a ge gɔɔn ná yé.

Matio 11:19

*Míŋ Nyìŋ keen ńtó yé fʉ̀’ɔɔn, ńne ḿpfɛ́ɛ mmó ḿbiŋe ńnúu melù’, pɔ́ gɔɔn ngie mé líe yé tà ńgyá, nyìŋ wɛ̂ à gwɔ́ pɔ́ mpfɛɛ mmó, ńgwɔ́ nú melù’, ńgwɔ́ sǒ pà kẅé ncùb pà *Roma mbɔɔ we petsɔ́ pʉ̀a tepòŋ. Tá mé ké ne ńgyá ngie: Sɔ̀ɔn ee kwà’ legye Ssé ńcʉa pɔ́ nà mefà’ mie yɔ̀ɔn nò ne fa’a.

Lukase 15:3

Yěsô lêen ńké saga mbwo pɔ́b ngie:

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.