Lukase 15:10 - Nouveau Testament en Ngienboum

¹⁰ Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Lukase 15:10 Referans Kwoze

Lukase 15:7

Áa pú’u, tá mèŋ shwóŋó gẅí: Tà’ ngàŋ mefʉ̀a lɔɔn ńkúbe mà we, mé kága tÿǒ lepwó tɛ’, ńcʉa pá’ à lɔɔn ńgwɔ́ mé kága ná pʉ̀a ntsɔ̀b lepfwɔ’ɔ́ lê móm lepfwɔ’ɔ́ pie pɔ́ gyǎ ngie pɔ́ ée nénʉ́ tà ńgwá ńgwɔ́ pɔ́ le kúbe mà wɔb wɔ́.

2 Korento 7:10

á nue lemÿɔgɔ ná ntí gie e Ssé ne ńkwoŋo, à gÿo nyìŋ kúbe mà. Wɛ̌ lékúbe mà gÿo nyìŋ tsẅɛ́, tà ńgwɔ́ nò á le pÿɔ́gɔ yé pá’ à mÿɔ̌g wɔ́. Tá lemÿɔg ná ntí ye pʉ̀a njÿó, à ná pɔ́ legwé.

Lukase 13:5

Ngǎŋ, á té nò wɔ́. Pi lɔɔn ńké tè kúbe gẅi mà wɔ́, mbà pi ge lége gí pɔ́ pá’ pɔ́b.

Matio 18:14

Áa mmó gie á gÿo tá, Tá gẅi gẅie aa tÿǒ lepwó tè kwoŋ ngie tsɔ̌ tà’ nà gubé yé pyé wɔ́.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

Megàŋ ntúm 11:18

Epʉ̀a Kristo jú’ menò mɔɔn, ḿbʉ́le ńnéŋe, ḿbiŋ ne ńnáa ndǎg mbwo Ssé ńgɔɔn ngie: À yɔɔn gie e Ssé ka ná shÿó mbɔɔ mbwo pʉ̀a pie é té pà Yuda wɔ́, á lékúbe mà, á gÿó pɔ́ gẅiin le gwɔ́ tèmì.

Lukase 7:47

Á cʉa pú’u, tá mèŋ shwóŋó ɔ́ ngie, manzwě wɔɔn nyɛɛ yɔɔn ntí nkwòŋo pá’ɔɔn, mélà’mie mé pú ńdege menò tepòŋ mé mie é ke ńgyɔ́ɔn tɛ’, ńnáa mbwó yé. Tá ńgʉa ná nyìŋ gẅie à gyǎ ngie menò tepòŋ mé mie mé legé ké tè tsẅe ńgyɔ́ɔn tɛ’ wɔ́, mbà ye nkwòŋe ge gíŋ gwɔ́ pɔ́ méjʉ’.

Matio 18:10

Pi laga twó gí légwága tsɔ̌ tà’ ná gígyé penkʉ́ pɔɔn. Tà mèŋ shwóŋó gẅí, *mecÿɔ́’ Ssé pie é lie wɔ́b tyé mvfo Ssé fʉ’ ntsem. [

Filemo 1:15

Ndyɛ̀’, mbà à ka na’á fó lejʉ́ŋ gù ńgʉa légwɔ́ gie ɔ̀ ge gÿo gíŋe gwaa gyá yé, à gwɔ́ pá’ pi yé ge cʉ́’ʉ ńnéŋe pɔ́ fʉ̀’ ntsèm.

Megàŋ ntúm 5:19

Tá á gÿo ńgwɔ́ letsẅɛ’, atsɔ̌ cÿɔ́’ Cʉ̀apʉ̀a tó, ńtsɔ́’ ndá tsǎŋ, ńgÿo megàŋ ntúm gwaa kẅɛ, á gɔɔn né pɔ́b ngie:

Matio 10:32

Nyìŋ lɔɔn ńgɔɔn mvfò lá’ ngie: Mèŋ n ge nyìŋ Yěsô. Mbà mèŋ n ge lá’ gɔɔn yɔ́ɔn mvfò Tá wɔ̀ɔn gẅie aa tÿǒ lepwó ngie: Nyìŋ wɛ̂ aa wɔ̀ɔn nyìŋ.

Lukase 12:8

Tà mèŋ n gíŋe shwóŋó gẅi yɔɔn nò, nyìŋ tyé mvfò lá’ ńgɔɔn ngie: Mèŋ, n gee nyìŋ Yěsô, mbà *Míŋ Nyìŋ ge lá’ gíŋe tyé yé mvfò *mecÿɔ́’ Ssé é gɔɔn ngie: Nyìŋ wɛ aa wɔ̀ɔn nyìŋ.

Lukase 12:9

Tá ńké ńgwɔ́ gie nyìŋ tyé mvfò lá’, ńgɔɔn ngie: Mèŋ n tè nyìŋ Yěsô wɔ́, mbà *Míŋ Nyìŋ ge leen ké lá’ tyé mvfò *mecÿɔ́’ Ssé é gɔɔn yé ngie: Nyìŋ wɛ à tè wɔ̀ɔn nyìŋ wɔ́.

Lukase 15:9

À ge gyá, é tóŋ mesǒ pé mbɔɔ ngàŋ nkwɔ’ɔ́ mbʉ̀a, é gɔɔn né pɔ́b ngie: Pi tó pege kág ńtí pá’ n gyǎ pàga nkáb yɔ́ɔn gie á ka pyě.

Lukase 15:11

Yěsô gíŋe ńgɔɔn ngie: Atsɔ̌ mámbàŋa lǎ’ ńgẅiin gubé yé mbàŋa yépʉ́a.