Lukase 15:1 - Nouveau Testament en Ngienboum

¹ *Pàkẅé ncùb pà Roma lâ petsɔ́ pʉ̀a pie mé lɔ́ɔn ńkʉ́e wɔ́b ne ńtóo metsèm, á lejʉ́ŋ Yěsô lé jú’u nò yé.

Lukase 15:1 Referans Kwoze

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.

Lukase 7:29

Pʉ̀a metsèm la zẅí’te nò Jâŋ, tà mbɔɔ pàkẅé ncùb pà *Roma, ńgɔɔn ngie: E Ssé ne ńkwoŋo légÿo peg tsẅɛ́! Ńgɔɔn pú’u, ńgÿo Jâŋ nu’u wɔ́b ntse.

Lukase 13:30

Pi zsé ngie tsɔ́ pà gwɔ́ mvfò fʉ̀’ɔɔn ge lá’ cʉ́’ pà gwɔ́ nzèm, etsɔ́ pà gwɔ́ nzèm fʉ̀’ɔɔn lá’ ńgwɔ́ pà gwɔ́ mvfò.

Matio 5:46

Pi lɔɔn ńkwoŋ pɔ́ ndá’ pʉ̀a pie pɔ́ kwoŋo gẅí, mbà mé ge gíŋe ná ndǎg né pi ná kɔ́? *Pàkẅé ncùb pà Roma gíŋe ne ńgÿo yɔ́b pɔ́ pú’u.