7 Yěsô gyá pá’ pʉ̀a pie mé ně ńtóŋo wɔ́b ne ńkúu ndá, éfa’a pɔ́ jʉ’ ye melÿò tá ńnéŋe, ésaga mbwo pɔ́b ngie:
Ndòon ee twó pi pà *farisay! Pi kúu *ndá cú’tè, ńkaŋa gí jʉ’ pɔ́ mvfò, ńkwoŋ ngie mé tó ńtsyɛ’te gẅi ndùmo gyɛ̌.
Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.
Pɔ́ kúu jʉ’e melínɔ́ɔn, ńnéŋe pɔ́ nà jʉ’e melÿò, ńkúu *mendá cú’tè ńkaŋa yɔ́b jʉ’ pɔ́ mvfò.
Pi lÿɔ́’ *pàkyagte lepʉ̌ Mǒsê. Pɔ́ kwoŋo léma’ meshʉ̀shʉ̀a nzsǒ ńdɔg ńgwáa ńkʉ́’ʉ, ḿbiŋ ńkwoŋ ngie me tsyɛ’te wɔ́b á ndùmo gyɛ̌. Ńkú *mendá cú’tè, ńkaŋa yɔ́b jʉ’ pɔ́ mvfò. Pɔ́ kúu jʉ’e melínɔ́ɔn, ńnéŋé pɔ́ nà jʉ’e melÿò.
Mèŋ n ka ŋwe’e mékème ŋwà’ne, ńnáa tsɛ̀ɛ gí cú’tè pʉ̀a Kristo, tá Ndiotelɛf gẅie à kwoŋo lézá’te mvfò mânyìŋ ntsem lʉ’ʉ lé jú’u nò gie mèŋ n gɔɔn tsoló.
Yěsô ké ńdɔg pɔ́ sagá nò ńgɔɔn mɔɔn menò mbwó lá’. Á lɔ̌ɔn tě ńgɔɔn tsɔ́ nò lê pɔ̌b té sagá nò ńcʉa mǒ wɔ́.