Lukase 14:3 - Nouveau Testament en Ngienboum

³ Yěsô zɛ́te pà *farisay pâ pàkyàgte mbʉ̌ Ssé pie é laa ndá ngie: Áa nà *lepʉ̌ ségè pé’e, ńgwáa ngwe mé gÿo nyìŋ zeŋe lyɛ’ɛ́ nzsè yégè kà ngǎŋ?

Lukase 14:3 Referans Kwoze

Matio 12:10

Àtsɔ̌ mámbàŋa gwɔ́ yé ndá ŋwɛ́, mbà pwó yé leen ńkwé. Pʉ̀a pie é laa ndá ne fa’a mmó gie pɔ́ ge fó mǒ lɔg sẅiŋe Yěsô, zɛ́te yé ngie: Áa nà *lepʉ̌ ségè pé’e ńgwaa we mé gÿo nyìŋ zeŋe lyɛ’ɛ́ nzse ka ngǎŋ?

Lukase 6:9

Yěsô lêen ńké ńgɔɔn mbwo pàkyàgte ŋwà’ne Ssé pâ pà *farisay ngie: N ge zɛ́te gẅi tà’a nò. Áa pé’e *lepʉ̌ sége tsẅi ngie mé gÿo kɔ́ lyɛ̌’ɛ nzsé yégè? Ngie mé gÿo nò mbòŋo kà nò tepòŋ? Ngie mé gÿo nyìŋ tsẅɛ́ kà pɔ́ ngie mé zẅé yé?

Malékuse 3:4

ńdeen ńké ńgɔɔn mbwo pʉ̀a ŋwɛ́ ngie: *Lepʉ̌ ségè ée pé’e ńtsẅi ngie mé gÿo kɔ́ lyɛ’ɛ́ nzsè? Ńgie mé gÿo nò mbòŋo kà nò tepòŋ? Ńgie mé gÿo nyìŋ tsẅɛ́ kà pɔ́ ngie mé zẅé yé? Tsoon nyìŋ wɔ́b tè tsɔ́b.

Ŋwà’ne Jâŋ 7:23

Tà á lɔɔn ńgwɔ́ gie à ńgwɔ́ pi pú’u múɔ lyɛ’ɛ́ nzsè, mbɔ́gɔ pá’ pi ge fʉa *lepʉ̌ Mǒsê, pi piŋe ńgyáŋa lóŋ ná mèŋ ngie mèŋ n gÿǒ nyìŋ zeŋe lyɛ’ɛ́ nzsè mélà’a kɔ́?

Matio 22:35

Àtsɔ̌ nyìŋ tsetsɛ̀ɛ pɔ́b, ńgwɔ́ nkyàgte mbʉ̌ Ssé tà ńgwɔ́ wɛ̌, á tó ńkwa’te Yěsô, ńzɛ́te yé ngie:

Matio 12:2

Tsɔ́ pʉ̀a nà pà *farisay gyá pú’u, ńgɔɔn né Yěsô ngie: Líe tá ńgyá pá’ *ngàŋa kwò jú gÿo mmó gie *lepʉ̌ té ne ńzɛ́te, ngie mé gÿo lyɛ’ɛ́ nzse pa Yuda wɔ́.

Lukase 14:2

ńgwɔ́ gwɔ́ tsɔ̌ nyìŋ tyé mvfò yé, mbà kwɔ́’te lěen ńgwoon yé.

Lukase 14:4

Tá pɔ́ pú tè tsɔ́b, Yěsô kíbe ngùɔ ŋwɛ́, ńgÿo á zéŋe, ńtsẅi á gʉa.