Lukase 14:12 - Nouveau Testament en Ngienboum

¹² Yěsô gíŋe ńgɔɔn mbwo nyìŋ gẅie à ně ńtóŋo yé ngie: Ɔ̀ lá’ ne ńtóŋo línɔ́ɔn, fʉ̀’e zsǒ kà ncwò nzém wɔ́, tè tóŋ meshǔ pú, kà mefɛ́ pú wɔ́, kà pʉ̀a nà tsìŋe ndá gí wɔ́, kà megàŋ nkwɔ’ɔ́ mbʉ̀a pú pie ée megàŋ nkáb wɔ́, á nue pɔ́ ge gÿo gíŋe tóŋo gú jú, é lɔg tsɔ́’ shʉ́’ gú.

Lukase 14:12 Referans Kwoze

Matio 5:46

Pi lɔɔn ńkwoŋ pɔ́ ndá’ pʉ̀a pie pɔ́ kwoŋo gẅí, mbà mé ge gíŋe ná ndǎg né pi ná kɔ́? *Pàkẅé ncùb pà Roma gíŋe ne ńgÿo yɔ́b pɔ́ pú’u.

Lukase 1:53

À kéen ńdɔg shúm mbòŋo ńjÿɔ́g megàŋa nzyè, ńjwoŋ megàŋa mmó pɔ́ gʉa mbwo mesẅɛ̀ɛ

Lukase 1:58

Megàŋ nkwɔ’ɔ́ mbʉ́a pâ mefɛ́ pé jú’ pá’ Cʉ̀apʉ̀a tsɔ̌ɔn mezìŋe mé, ńnáa yé mûɔ, pâ pɔ́ pú ńkág.

Lukase 14:11

Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà Ssé ge sẅé’e yé náa ssé, ésẅé’e mbùm ye ńnáa ssé, mbà Ssé ge pʉ’ʉ yé tÿɔ́g tÿɔ́g.

Lukase 14:13

Ɔ̀ la’ ne ńtóŋo línɔ́ɔn, ɔ̀ tóŋ pàtèmmó, ńtóŋ menkÿǒon, ńtóŋ pànkème kwò, ńtóŋ pàfʉ̀ menÿɔ́g.

2 Korento 6:13

Mèŋ n ge gɔɔn nò mbwo pi fʉ̀’ɔɔn pá’ nyìŋ gɔɔn nò mbwo pènkʉ́ pé. Á gwɔ́ ngie pi kwoŋo wég gí pá’ peg ne ńkwoŋo gẅi yég.