Lukase 13:1 - Nouveau Testament en Ngienboum

¹ Á gwɔ́ fʉ̀’ áyɛ̌, etsɔ́ pʉ̀a tó ne ḿbíte menò mie é lǎ cʉa shwóŋó Yěsô, éshwóŋó yé pá’ *Pilato la gÿo mé zẅéte pʉ̀a Galilea, á fʉ̀’ gie pɔ́ la ne ńnáa shúm pwɔ́’ mbwo Ssé.

Lukase 13:1 Referans Kwoze

Megàŋ ntúm 5:37

Á lá’ ńgwɔ́ fʉ̀’ gie mé la ne sáŋa lá’, Jẅidas, nyìŋ Galilea kẅɛ. Mé cʉ́me nzèm yé tɛ’. Mé gíŋe ńzẅé yé ye, epʉ̀a pé tága sa jʉ’, ayɔ́b mag.

Matio 27:2

ńgÿo mé kwɛ́ɛ yé, ńdɔgɔ yé ńgʉa ńnáa mbwó ngúmnɔ́ɔn *Pilato.

Matio 27:1

Njÿó gÿo ńdʉ́a, *mentándá pànùŋe pwɔ́’, pâ mekěme lá’ mʉ́ mba’ámba’, ńzáb ngie pɔ́ ge gÿo mé zẅé Yěsô,

Megàŋ ntúm 1:11

ńgɔɔn né pɔ̌b ngie: Pà Galilea, pi tyě náŋte tÿǒ lepwó mélà’a kɔ́? Yěsô wɛ̂ gẅie Ssé fǒ mbwo pi ésa’a yé ńdɔg ńgee tÿǒ lépwó lɛ̀, à ge gÿó gíŋe piŋ nzèm pɔ́ na ntí gie pi gyǎ á lɔgɔ ńgee lɛ̀.

Megàŋ ntúm 2:7

Á gwaa kʉ’ʉ wɔ́b pɔ́ gíŋe ne saŋa nÿɔ́g ńgɔɔn ngie: Pʉ̀a pie é shwóŋó lɛ̀ té gwɔ́ pɔ́ pʉ̀a Galilea métsèm gwɔ́ lê?