Lukase 12:9 - Nouveau Testament en Ngienboum

⁹ Tá ńké ńgwɔ́ gie nyìŋ tyé mvfò lá’, ńgɔɔn ngie: Mèŋ n tè nyìŋ Yěsô wɔ́, mbà *Míŋ Nyìŋ ge leen ké lá’ tyé mvfò *mecÿɔ́’ Ssé é gɔɔn yé ngie: Nyìŋ wɛ à tè wɔ̀ɔn nyìŋ wɔ́.

Lukase 12:9 Referans Kwoze

2 Timote 2:12

Pege lɔɔn ńké ńne shÿɔgɔ tsɛ̀ɛ ngɔ́’ shÿɔg, mbà pege lâ pɔ̌ ge gÿo púte sá’a lá’ Tá pege ké ńgwá’a yé, mbà à ge gÿo gwá’a wégè yé.

Lukase 9:26

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn, mbà *Míŋ Nyìŋ ge lá’ kú shʉ́ lélɔgɔ yé ńgÿo we nyìŋ á fʉ̀’ gie à ge lá’ piŋ nzèm lê legú’ we gẅie aa we Ssé tà mbɔɔ mecÿɔ́’ pé.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

Matio 10:33

Tá nyìŋ piŋ ńgɔɔn mvfò lá’ ngie: Mèŋ n tè nyìŋ Yěsô wɔ́, mbà mèŋ *Míŋ Nyìŋ ge lá’ gɔɔn yɔ́ɔn mvfò Tá wɔ̀ɔn mie aa tÿǒ lepwó ngie: Nyìŋ wɛ̂ tè wɔ̀ɔn nyìŋ wɔ́

Ŋwà’ne Ngyà jʉ’ 3:8

Mèŋ n ne ńzsé mefà’ mí, ńne ńzsé ngie pi tè mbòŋ metʉ̀ gẅiin tá mbà pi ka kě ńkú’te shwóŋè yɔ́ɔn tà pi tè wɔ̀ɔn moŋe. À yɛ, mbà mèŋ n tsɔ̌’ ncwò ndá ńná né pi. Atsɔ̌ nyìŋ gẅie à piŋ ńku’u léjÿɔ́’ à tè wó wɔ́.

Matio 7:23

Mèŋ n deen ńké ńgɔɔn né pɔ́b ngie: Mèŋ tè gẅi zsé, pi ee pàfʉate menò, pi fó lejʉ́ŋ mèŋ ńtsíŋte nnɛ́

1 Jâŋ 2:23

Nyìŋ lɔɔn ńdʉ’ʉ lézẅíŋe nò Múɔ, mbà à lʉ’ʉ lézẅíŋe nò Tá wege, nyìŋ gẅie à zẅiŋé nò Mùɔ, à giŋé ńzẅíŋe ye Tá wege.

Matio 25:12

Tá á gɔɔn né pɔ́b ngie: Tá mèŋ shwóŋó gẅí, kwà’ nénʉ́, mèŋ n tě ne ńzsé gẅi wɔ́.

1 Jâŋ 2:28

Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Lukase 15:10

Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Lukase 22:57

Piɛ lʉ’, ńgɔɔn né yé ngie: Manzwě wɛ, mèŋ n tè ne ńzsé yé wɔ́!