6 Mé ée lá’ɔɔn sẅiŋ mejʉŋé tá’, mé lɔɔn fó ńcú’te tsɔ́ mbɔɔ méntʉ̀a mé sẅiŋ, ńkẅé mbòŋo kɔ́? Tà mbɔɔ pú’u, e Ssé ké tè tsɔ́ wɔb lege.
Pi líe meshʉ́ŋ tá ńgyá. Pɔ́ ée ntě ḿbye mmó wɔ́, ńké tě ńdaga shúm ńnáa ndá wɔ́, pɔ́ té ntàŋ gẅiin, menkìŋ mɔ́b té wó wɔ́. E Ssé zɔɔ ńjÿɔ́gɔ wɔ́b. Pi ee mbwo Ssé, ńgwɔ́ mmó tʉ̀ nzẅìŋ ńcʉa meshʉ́ŋ.
Mé ée lá’ɔɔn, ésẅiŋ mejʉŋé mémbʉ́a é té ku’u tsɔ́ mmó wɔ́. Tà mbɔɔ pú’u, ńgwɔ́ tsɔ̌ tà’ á le gwe ssé té gwɔ́ gie Tá gẅi Ssé à zẅǐŋ wɔ́.
Pi líe metôtǒ mie ée nà legǐ nká’ ńgyá lésí. Legǐ aa ntě fa’a fà’ wɔ́, ńké tě ḿbá’a menzsǒ wɔ́. Tà mèŋ n ké shwóŋó gẅí, legǐ ma’ nzsǒ, tà mbà fùɔ Salomo la lá’ ńgwɔ́ nà we legú’ ntsèm ntsèm à tè lá’ ḿma’ nzsǒ tà é poŋ pá’ yɔb wɔ́.
Atsɔ̌ mpfɔ́g manzwě tó yé, ńgwɔ́ mbóŋ, ńnéŋ pàg nkáb sépʉ́a, é sie é fó tè nà tsɔ́ mmó ku’.