Lukase 12:5 - Nouveau Testament en Ngienboum

⁵ Tà mèŋ shwóŋó gẅi nyìŋ gẅie pi gẅiin lépɔ́gɔ yé: Pi pɔ́g pɔ́ ndà’ Ssé á nue ngwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g. Áa pú’u, tá mèŋ n gɔɔn ngie pi pɔ́g pɔ́ ndà’ Ssé.

Lukase 12:5 Referans Kwoze

2 Piɛ 2:4

*Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

Matio 10:28

Tà pi pɔ́g pʉ̀a mesoŋ, pɔ́ ku’ pɔ́ ndà’ lézẅé nyìŋ, ḿbiŋ ńké tè ku’u légÿo tà ńtɔ́g pú’u wɔ́. Pi pɔ́g pɔ́ ndà’ Ssé, á nue ńgwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g.

Ŋwà’ne Ngyà jʉ’ 14:7

Á ne ńdɔgɔ ngyè tetʉ́ʉ ńgɔɔn ngie: Pi pɔ́g Ssé, ńnáa legú’ mbwo yé. Á nue afʉ̀’ gie à ge ŋag pʉ̀a mesoŋ áa pá’ɔɔn, mbà á kǔ’. Pi gu’te nyìŋ gẅie à la nyɛte lepwó, ńnyɛte tsetsá’, ńnyɛte ntse té pàa, ńnyɛte mbɔɔ mesá’a ntse.

Heber 10:31

Ammó gie ńgwɔ́ nyìŋ ńnéŋe ḿbɔ́g tɛ’, aa légwe ntsaŋ á mvfò Ssé gẅie aa ńgwɔ́ pɔ́ wó!

Ŋwà’ne Ngyà jʉ’ 20:14

Mé lêen ńké ńzé’e legwé mbɔɔ lá’ gie mepfó ée wó, ḿma’a tsɛ̀ɛ lepÿé mmɔ̌g. Lepÿé mmɔ̌g ŋwɛ́ lɔgɔ ńgwɔ́ legwé mbɔ́ɔntè yépʉ́a.

1 Tesalonika 4:6

Tá á gʉa nà nò manzwě, tà nyìŋ gÿo nò tepòŋ ná fɛ́ we, tà á zɔɔn fó fʉte yé fʉte, mélà’mie Cʉ̀apʉ̀a wege ge lá’ néŋ ngɔ́’ twó pʉ̀a pie pɔ́ gÿo pú’u. Peg la lá’ shwóŋó gẅi tà shwóŋ.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Ŋwà’ne Ngyà jʉ’ 15:4

Cʉ̀apʉ̀a, ńgwɔ́ wɔ̌ nyé té pɔ́gɔ gú? Ńgwɔ́ wɔ̌ nyé té gu’te lezíŋ shú. Ndà’ gú zɔɔ ndʉalʉ̌a; Mengwòŋ ntsèm ge gÿo tó é kẅí’te mvfò gù á nue wɔ̌wɔ́ɔ kéen ńgyá mefà’ mú pá’ é tyé ndʉŋ ndʉŋ.

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Malékuse 13:23

Tá á ké ńgʉa ná pi, mbà mèŋ n kě ńtʉ́ njÿó shwóŋó gẅi nò gie á ne ńtóo, pi laga twó gí.