Lukase 12:4 - Nouveau Testament en Ngienboum

⁴ Mèŋ n gɔɔn yɔɔn nò mbwo pi meshǔ pɔ́ɔn ngie tà pi pɔ́g pʉ̀a mesoŋ. Pɔ́ ku’ pɔ́ ndà’ lézẅé nyìŋ ḿbiŋ ńké tè ku’u légÿo tà ńtɔ́g pú’u wɔ́.

Lukase 12:4 Referans Kwoze

Matio 10:28

Tà pi pɔ́g pʉ̀a mesoŋ, pɔ́ ku’ pɔ́ ndà’ lézẅé nyìŋ, ḿbiŋ ńké tè ku’u légÿo tà ńtɔ́g pú’u wɔ́. Pi pɔ́g pɔ́ ndà’ Ssé, á nue ńgwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Filipo 1:28

Megàŋ mbù lɔɔn ḿvege gẅi tà pi cÿɔ’. Pi lɔɔn tè cÿɔ’, mbà á ge gwɔ́ mbwo pɔ́b, é gwɔ́ liŋé ngie pɔ́ ée ná mánzsè lepyé, tá’ é ké gwɔ́ mbwo pi é gwɔ́ liŋé ngie pi ée nà mánzsè letsẅɛ́. E Ssé zɔ gÿo mɔɔn menò.

1 Piɛ 3:14

Pi ke fó lyɛ̌’ ńgwɔ gyá ngɔ́’, á gwɔ́ nue pi ne ńgÿo mmó gie áa ndʉŋ ndʉŋ mvfò Ssé, mbà pi ee pà shÿó mbòŋo. Tà pi mɔ́ɔn tà ḿbɔ́g pʉ̀a mesoŋ. Tà ntʉ́m nyìŋ gẅi mɔ́ɔn tà ḿvɛ.

Ŋwà’ne Jâg 2:23

Anò gie mé la ŋwe’e ńtí yé fó pú’u, ḿbumte, mé la ŋwe’e ngie: Ábalam la záb ntʉ́m wé nà Ssé, e Ssé fó mǒ, ńcʉ́’ ńdíe yé á gwɔ́ mvfò ye, ńgwɔ́ pɔ́ ndʉŋ ndʉŋ, á tóŋo yé lê shǔ we.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Megàŋ ntúm 4:13

Epʉ̀a pie la ńnéŋe ssé ně ŋaga wɔ́b, gyá ntí gie Piɛ pɔ́ Jâŋ lɔ̌g ńgɔɔn nò té pɔ́g á kʉ’ʉ wɔ́b, mélà’mie pɔ́ la ne ńzsé ngie pɔ́ gwɔ́ pɔ́ memeen pʉ̀a, mbà pɔ́ la té zí’i sekúd tɛ’ wɔ́. Pɔ́ léen ńké ńdiŋ ngie pɔ́ gÿo pu’u, á nue pâ Yěsô kɔ́ɔn ńteme kwò ńgiŋe.

Ŋwà’ne Jâŋ 15:13

Atsɔ̌ nyìŋ tè gíŋe ńgẅiin nkwòŋe tà é tɔ́g ye nyìŋ gẅie à náa we le gwɔ́ nà twó pʉ̀a pie à kwoŋo wɔ́b gwɔ́.