Lukase 12:1 - Nouveau Testament en Ngienboum

¹ Yěsô ne shwóŋe pú’u, alá’ ne ńkẅi’i ńkwɔ́’ɔ ńtóo lejʉ́ŋ yé, ejʉ’ sẅɛ́ sẅɛ̌ tà mé ne néŋte mekwò pʉ̀a. Á gwaa gɔɔn nò mbwo lá’, ḿvɔg ńgɔɔn mbwo ngàŋa nkwò yé ngie: Pi laga twó gí, ḿbɔ́ɔn *mvòŋ pʉ̀a *farisay, tà pi cʉ́’ ngàŋ mepàb pá’ pɔ́b.

Lukase 12:1 Referans Kwoze

1 Piɛ 2:1

Pú’u la, pi lêen ńké ńgwá’ menò tepòŋ ntsèm, tà pi gíŋe fʉte pʉ̀a, tà pi gíŋe ńgwɔ́ pà nkwòŋ menÿɔ́g, tà pi gíŋe ńgẅiin kègɔ́’ ná shúm pʉ̀a, tà pi gíŋe ńzẅɛ́te nzèm pʉ̀a.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

Lukase 12:56

Megàŋ mepàb, pi líe lefàŋ pɔ́ tsetsá’ ńzsé mmó gie á gee ńgÿǒ, á piŋ ńgaa pi gyá menò mie é ne ńcʉate fʉ̀’ɔɔn, pi tè zsé mmó gie é lɔgɔ ńgɔɔn wɔ́?

1 Korento 15:3

N da cʉ́me nò gie mé la cʉ́me pɔ́ mbwo mèŋ á mbwo pi, á gwɔ́ ná nkʉ̀ mbòŋo ńgwɔ́ kwòŋ. Yɛ̌ nò gwɔ́ ngie: Kristo la kwé nà menò tepòŋ mégè, á gwɔ́ pá’ ŋwà’ne Ssé la tʉ́ njÿó ńgɔɔn.

Megàŋ ntúm 21:20

Pàkẅé mvfò tsɛ̀ɛ cú’tè pʉ̀a Kristo jú’u yɔɔn nò á poŋo wɔ́b tɛ’. Pɔ́ kwé’e lezíŋ Ssé ńnáa tÿǒ, ńgɔɔn né Pɔl ngie: Afɛ̌ weg, gyá jú. Pà Yuda ntsá’ tà ńgyɔ́ɔn kéen ńcʉ́’ pʉ̀a Kristo, ḿbiŋ ńgwɔ́ kwà’ pàkú’te *lepʉ̌ Mǒsê té kʉ́a.

Lukase 11:44

Ndòon ee twó pi, pi leen ńgwá’a lesyé té liŋé sie nyìŋ lɔɔn ńgiŋe mǒ, mbà à ge zyɛ́’ nzsè té zsé, é kaa *lɔ̌’.

Lukase 6:17

Yěsô pâ *ngàŋ ntúm yé gie à tsɔ̌’, fó ndùm lekwɔ’ɔ́ sẅɛ́’ tà ńkúu tsìŋe lekwɔ’ɔ́, ńgyá yetsɔ́ *Ngàŋa kwò yé gwɔ́ jʉ’ó tà ńgyɔ́ɔn pâ nùɔ lá’, mbà mé fǒ nà pàga ngwòŋ Jẅidea, éfó tÿǒsoŋ Yerósalem, éfó mengʉ̀ŋe metÿǒsoŋo Tir pɔ́ Sidoŋ tà mbɔɔ metÿǒsoŋ mie ée nkʉ̀ŋ ntse.

Lukase 5:15

Yěsô la tɔ’ɔ yé pú’u, mé ké ne ńkẅi’i ńkime yé kím, tà lá’ gíŋe ńkẅi’i ńtóo lé jú’u shwóŋè yé mbɔɔ légwɔ́ gie à ge zeŋe megùɔ mɔ́b.

Lukase 5:1

Yěsô gwɔ́ tsɔ́ lyɛ̌’, ńtyé ngʉ̀ŋe letʉ̀ŋ sie mé tóŋo le Jenezared. Anùɔ lá’ tà ńgyɔ́ɔn tóo lejʉ́ŋ ye lé jú’u nò Ssé, ńgyɔ́ɔn gyɔ́ɔn tà mé cʉ́’ʉ sẅɛ́ɛ ye sẅɛ̌.

Heber 12:22

Tá á ké ńgʉa ná pi, mbà pi ka sẅɛ’te nnɛ́ ńtóo lekwɔ’ɔ́ Sioŋ, á lɔgɔ ńgwɔ́ tÿǒsoŋo ye Ssé gẅie aa ńgwɔ́ pɔ́ wó, á Yerósalem gẅie aa tÿǒ lepwó, á jʉ’ gie *mecÿɔ́’ Ssé tè sǎŋ ńzsé nzẅìŋ cú’te wó tsɛ̀ɛ lekág.