Lukase 11:9 - Nouveau Testament en Ngienboum

⁹ Áa pú’u, tá mèŋ shwóŋó gẅi ngie: Pi lúɔ, e Ssé ge náa mbwo pi. Pi fa’, e Ssé ge gÿo pi gyá. Pi kwá’te ncwò ndá à ge tsɔ́’ ná né pi.

Lukase 11:9 Referans Kwoze

Malékuse 11:24

Áa mmó gie á gÿo tá mèŋ shwóŋó gẅi ngie: Akɔ́ɔkɔ́ɔ gie pi ne sẅíŋte Ssé ńdúɔ wɔ́, pi zẅíŋ ngie pi ně ńdá’ ńgẅiin, e Ssé náa mbwo pi.

Matio 21:22

Pi lɔɔn ńzáb ntʉ́m nà Ssé, ésẅíŋte yé ńdúɔ kɔ́ɔkɔ́ wɔ́, mbà à ge ná.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 14:13

Pi gÿo ńdɔg lezíŋ sɔ́ɔn ńdúɔ kɔ́ mbwo Ssé wɔ́, mbà mèŋ n ge gÿo. Á cʉa pú’u, mèŋ múɔ n da’te legú’ Tá wɔ̀ɔn.

1 Jâŋ 3:22

é luɔ pɔ́ kɔ́ mbwo yé wɔ́, à ná mélà’mie pege ne ńgiŋe ná *lepʉ̌ sé, ḿbiŋe ńgÿo mmó gie à ne ńkwoŋo.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Heber 11:6

Mé lɔgɔ ńgyá ngie nyìŋ lɔɔn tè záb ntʉ́m nà Ssé wɔ́, mbà shÿó pá’ ńgwɔ́ nò yé poŋ Ssé té wó wɔ́. Nyìŋ lɔɔn ńne sẅɛ’te nnɛ́ nê lejʉ́ŋ Ssé á gẅiin lé zɔɔn ḿvɔg ńzẅíŋ ngie e Ssé ee wó, ḿbiŋ ńne ńtsɔ́’ɔ fà’a pʉ̀a pie pɔ́ ne fa’a yé.

Ŋwà’ne Jâg 5:15

Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.

Heber 4:16

Pú’u la, tà pege mʉ́’te lésẅɛ’te nnɛ́ ńgʉa nê jʉ’ gie lʉŋe *lefùɔ Ssé áa wó, lélɔg pú’u, ńgwɔ́ lejʉ́ŋ yé Ssé gẅie à gẅiin pòŋo ntʉ́m. Pege sẅɛ’te nnɛ́ pú’u, tá Ssé tsɔ́ɔn mezìŋe mégè, ńnyɛɛ wégè pòŋo ntʉ́m yé, ńne ńkẅéte wégè ná fʉ̀’ gie pege zagá légÿo.

Ŋwà’ne Jâŋ 4:10

Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Matio 6:29

Tà mèŋ n ké shwóŋó gẅí, legǐ à ma’ nzsǒ tà mbà fùɔ Salomo la lá’ ńgwɔ́ nà we legú’ ntsèm ntsèm, à tè lá’ ḿma’ nzsǒ tà é pòŋ pá’ yɔ̀b wɔ́

2 Korento 6:2

E Ssé la zɔɔn ńgɔɔn ngie: Afʉ̀’e lékẅéte gú la gwɔ́ tà ńku’, n jú’ ngyè jù, alyɛ’ɛ́ légÿo pʉ̀a mesoŋ tsẅɛ́ la ku’, n tó ńkẅéte gú. Pi zsé ngie yɔɔn ké ńgwɔ́ fʉ̀’ɔɔn pá’ɔɔn ńgwɔ́ fʉ̀’ʉ mbòŋo, yɔɔn áa lyɛ̌’ gie ńgwɔ́ nyìŋ tsẅɛ́.

Malékuse 13:37

Anò gie mèŋ n gɔɔn né pi lɔɔn, mèŋ n gɔɔn mbɔɔ mbwo mânyìŋ ntsèm. Tà nyìŋ gwá’a lÿɔg ńdyé.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Matio 21:31

Àwɔ̌ nà penkʉ́ pɔɔn mépʉ́a la gÿo mmó gie tá wɔ́b ne ńkwoŋo? *Mentándá pànùŋe pwɔ́’ pâ melÿò tsɛ̀ɛ lá’ tsɔ́’ ngie: Aa ndùŋ mvfò. Yěsô leen ńké ńgɔɔn né pɔ́b ngie: Mèŋ shwóŋó gẅí, kwà’ nénʉ́, pàkẅé ncùb pà *Roma pâ pàkáa tÿǒ pànzwě ne njÿó pì *lefùɔ Ssé ńcʉa gẅí,

Ŋwà’ne Ngyà jʉ’ 2:24

Mèŋ n ge gɔɔn nò fʉ̀’ɔɔn mbwo pi petsɔ́ pʉ̀a tsɛ̀ɛ cú’tè pʉ̀a Kristo gie áa tÿǒsoŋo Tiatire, pi pie pi tè ne ńzẅíŋe ndɔgtelé pɛ̌ pʉ̀a wɔ́, ńké tè ne fa’a lézsé mmó gie pɔ́ tóŋo lê kwà’ nò nénʉ́ gie Sátà la gÿo pɔ́ zsé wɔ́. Mèŋ n těen ńge ńzába tsɔ́ pì’ ye ndyɛ̀’ɛ twó pi wɔ́.

Lukase 11:10

Nyìŋ lúɔ mmó, mbà mé ge náa mbwó yé, éfa’, mbà à ge gyá, ḿbiŋ ńkwá’te ncwò ndá, mbà mé ge tsɔ́’ ná né yé.