Lukase 11:8 - Nouveau Testament en Ngienboum

⁸ Yěsô gɔɔn ngie, pi zsé mboŋó ngie, ashǔ ɔ̀ lɔɔn ńdu ssé ńná mbelég né gù, mbà à tě ńdu ssé ńnáa ńtí pɔ́ ndà’ pá’ ɔɔ shǔ we wɔ́. Mbà à cʉ’ʉ́ ńnáa ńtí pɔ́, mélà’mie ɔ̀ neŋé twó ḿbége yé pɔ́ tè kʉ́a.

Lukase 11:8 Referans Kwoze

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

Roma 15:30

Mefɛ́ pɔ́ɔn, á cʉa ná Cʉ̀apʉ̀a wege Yěsô Kristo mbɔɔ ná pá’ a Zẅìge Ndʉalʉ̌a ne ńgÿo pege gẅiin nkwòŋe tsetsɛ̀ɛ pege la, mèŋ sẅíŋte gẅi ngie pi lɔgɔ lésẅíŋte Ssé ńkẅéte wɔ̀ɔn. Pi sẅíŋte Ssé nà twó yɔ́ɔn, ńcʉ́’ʉ lésẅíŋte, ésẅíŋte lê ngwòŋ ntʉ́m gẅi ntsèm,

Kolosia 2:1

Mèŋ n ne ńkwoŋo ngie pi zsé ngie ncù gẅie mèŋ n ne ḿma’a é tʉ. Mèŋ m ma’a wɛ̌ ncù ná twó sí, mbɔɔ ná twó pʉ̀a Kristo pie ée Laodisé, mbɔɔ ná twó petsɔ́ pʉ̀a Kristo tà ńgyɔ́ɔn pie pɔ́ laa wɔ̀ɔn gyá.

2 Korento 12:8

ée ngʉ̀a ntá pá’ mèŋ sẅiŋté Cʉ̀apʉ̀a ngie à fó ná mèŋ ńkẅile yɛ̌ ngɔ́’,

Lukase 11:7

Tsɔ́ nò shǔ ɔ̀ fóo ndá ńtsɔ́’ ngie: Tè gíŋe ḿbége wɔ̀ɔn, n ně ńdá’ ńjÿɔ́’ ncwò ndá, peg lâ pènkʉ́ pɔ́ɔn ně ńdá’ ńnuŋe kǔ. Tà à lɔɔn ńgwɔ́ n de gíŋ ngie n ge lu ssé ná mbelég né gù wɔ́.