Lukase 11:7 - Nouveau Testament en Ngienboum

⁷ Tsɔ́ nò shǔ ɔ̀ fóo ndá ńtsɔ́’ ngie: Tè gíŋe ḿbége wɔ̀ɔn, n ně ńdá’ ńjÿɔ́’ ncwò ndá, peg lâ pènkʉ́ pɔ́ɔn ně ńdá’ ńnuŋe kǔ. Tà à lɔɔn ńgwɔ́ n de gíŋ ngie n ge lu ssé ná mbelég né gù wɔ́.

Lukase 11:7 Referans Kwoze

Lukase 13:25

Afʉ̀’ ge lá’ ku’, ngàŋ ndá lu ssé ńjÿɔ́’ ncwò ndá, pi pie pi nyé pi la, pi zye lékwá’te ncwò ndá, ńne sẅíŋte yé ngie: Andè, tsɔ́’ ncwò ndá peg kúu ndá. Tá’, à gɔɔn né pi ngie: Mèŋ, n tè ne ńzsé pʉ̀a pie pi ee pɛ̌ wɔ́!

Galatia 6:17

Tà fó lyɛ̌’ɔɔn, ḿbɔ́ɔn nyìŋ lélá’ ńgíŋe ńdɔgɔ yɔɔn nò ńgege wɔ̀ɔn. Melagá fʉ̌ŋ mie mèŋ n gẅiin é la’te ngie mèŋ n gwɔ́ pɔ́ nyìŋ Yěsô.

Lukase 7:6

Yěsô jú’, ńdu ssé pâ pɔ́ gʉa, ńgʉa tà ńcʉ́’ʉ lékúu mbʉ̀a tá ndá ncù, ḿbumte petsɔ́ pʉ̀a pie tá ndá ncù tǔm. Pɔ́ gɔɔn né yé ngie: Andè, tá ndá ncù yě, tè gége mbùm jù ngie ɔ̀ ge gʉa ndá ye, ngie à tsẅilé nyìŋ gẅie à lɔɔn ńgwɔ́ ɔ̀ tɔ́g tà ńkúu ndá yé lɛ.

Matio 25:10

Pɔ́ gʉa ńjúu, nyìŋ gẅie à zɔ́’ɔ cʉ́’ ńtó, pâ pûɔ ngùɔ pie tsɔ́ mmó la tè ne ńzága wɔ́b gwɔ́ kúu ndá línɔ́ɔn lɔ́ɔn ndá, mé jÿɔ́’ ncwò ndá.

Lukase 11:6

Mèŋ n tyě pá’ɔɔn, mbà tsɔ̌ shǔ wɔ̀ɔn fǒ legìŋ, ńtó ńkẅɛ́te wɔ̀ɔn ndá pɔ́ fʉ̀’ɔɔn, m biŋ tè gẅiin tsɔ́ mmó gie ngwɔ́ n dɔg ńdye yé wɔ́.

Lukase 11:8

Yěsô gɔɔn ngie, pi zsé mboŋó ngie, ashǔ ɔ̀ lɔɔn ńdu ssé ńná mbelég né gù, mbà à tě ńdu ssé ńnáa ńtí pɔ́ ndà’ pá’ ɔɔ shǔ we wɔ́. Mbà à cʉ’ʉ́ ńnáa ńtí pɔ́, mélà’mie ɔ̀ neŋé twó ḿbége yé pɔ́ tè kʉ́a.