Lukase 11:51 - Nouveau Testament en Ngienboum

⁵¹ Epʉ̀a pie Ssé ge lá’ zɛ́te metse mɔ́b mbwo pʉ̀a pie ee tsɛ̀ɛ ngÿo fʉ’ɔɔn zɔɔn ńgyɔ́ɔn tɛ’. Tà fó ná me Abe gẅie mé la vɔgɔ ná yé lézẅé, ńgʉa ńkúu ná me Sakarîɛ gẅie mé la fó ńzẅé yé pɔ́ ncwò *jʉ’ʉ Ssé, á ngʉ̀ŋe jʉ’ gie mé nuŋe pwɔ́’ wó. E Ssé ge lá’ pú zɛ́te wɔ́b métsèm pɔ́ mbwo pʉ̀a pie ée tsɛ̀ɛ njÿó fʉ̀’ɔɔn.

Lukase 11:51 Referans Kwoze

Heber 11:4

Á la fó pɔ́ ná pá’ Abe la záb ntʉ́m wé nà Ssé, tá á nuŋe wé pwɔ́’ é poŋo mbwo Ssé ńcʉa we Kain. Á la fó pɔ́ mǒ, e Ssé líe yé tà ngie, aa ndʉŋ ndʉŋ mvfò yé, mbà à la cʉ́’ʉ lényɛ, ńzẅíŋe mmó gie Abe lɔ̌g ńtóo mvfò yé. Á la fó pɔ́ ná pá’ Abe la záb ntʉ́m wé nà Ssé, à nyé lyɛ̌’ɔɔn ńgɔɔn nò mbwo pege gɔɔn, tá mbà à léen ńkwé.

Matio 23:35

Pú’u, metse pàteŋag metsèm mie mé lǎ pfɛte ndùmo ssé tsetsá’ e pú sẅɛ́’ɛ ndù pi. Léfó ná metse Abe gẅie à lɔ̌ɔn ńkú’te *lepʉ̌ Ssé, ńgʉa ńkúu nà me Sakarîɛ, míŋ Mbarashi, gẅie pi la zẅé yé á na shʉa gie ee na lekye mɔ́g pwɔ́’ pɔ kwà’ tsɛ̀ɛ jʉ’ gie e Ssé ee wó

1 Jâŋ 3:12

Tà pege gwɔ́ pá’ Kain gẅie à laa nzèm Sátà, ńzẅé fɛ́ we zyé manzwě. À lɔ̌ɔn ńzẅé yé mélà’a kɔ́? Á laa nue mefà’ mé laa me tepòŋ, mé fɛ́ we gwɔ́ mie ée ndʉŋ ndʉŋ mvfò Ssé.

Heber 12:24

Pi ka sẅɛ’te nnɛ́ ńtó nê lejʉ́ŋ Yěsô gẅie à la pfɛte metse mé lélɔg sɔgɔ *lɔ̌’ ná pege, aa mamekěm nà *kʉ̀a gie áa ye sẅé, metse mé gẅiin nò gie é gɔɔn mbwo pege, á cʉ́e ńcʉa nò gie metse Abe gɔɔn.