Lukase 11:42 - Nouveau Testament en Ngienboum

⁴² Pà *farisay, ndòon ee twó pi! Pi gabte shúm nná’ sí tà mbɔɔ nzàb gi nzsè legém, ńnáa tà’ nzsè mbwo Ssé. Tá’, ńké ńdege légÿo nò mbòŋo mbwo pʉ̀a mesoŋ, ńgíŋe ńdege lékwoŋ Ssé. Pú’u, tá yɛ̌ zɔ̌ gwɔ́ mmó gie á ke ne ńzɛ́te ngie pi gÿo. Pi gÿo pú’u, tá ńké le wetsɔ́ gígyé shúm lege

Lukase 11:42 Referans Kwoze

Matio 23:23

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb, pi gabte shúm nná’ sí tà mbɔɔ nzab gi, nzsè legém, ńnáa tà’ nzsè mbwó Ssé, tá’, ńgwágte nò ná menò mie mé zí’i ná mbʉ̌, é gwɔ́ kwà’ menò mie é kẅéte. Ànò pá’ leshwoŋó nò nénʉ́, letsɔ̌ɔn mezìŋe, legù’te pɔ́ ndà’ Ssé, tá yɛ̌ zɔ gwɔ́ mmó gie á kɔ’ɔ́ ne ńzɛ́te ngie pi gÿo. Pi gÿo pú’u, tá ńké le wetsɔ̌ gígyé shúm lege.

Lukase 18:12

Mèŋ, n gee ńkwoŋo kwoŋ ńzɔ́gɔ nzyè ngʉ̀a mbʉ́a nà ngàba lá’, ńgíŋe ńgabte shúm sɔ́ɔn nzsè legém, ńnáa tà’ nzsè mbwo gù.

1 Jâŋ 4:20

Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.

Matio 23:27

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb, pi gwɔ́ pɔ́ pá’ mesyè me mbwǒon, mie mé lɔgɔ mbwǒon ńzɔ́’ tà e ne fɔ́gɔ. Ee nzèm pǐ ésí tɛ’, tá’ mekẅǐ mepfó lâ melʉ̀ʉ shúm zɔ̌ gwɔ́ tsɛ̀ɛ wó.

Ŋwà’ne Jâŋ 5:42

Tá’, mèŋ n zɔɔn ne ńzsé gẅí, pi ee ntʉ́m pi, pi tè Ssé kwoŋ.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.