Lukase 11:41 - Nouveau Testament en Ngienboum

⁴¹ Ammó gie á ke ḿboŋ ngie pi gÿo gwɔ́ pɔ́ lépí shúm mbòŋo sie ée tsɛ̀ɛ mekáŋ mí, ńnáa mbwo pàtèmmó, pɔ́ jÿó yɔ́b. Pi ge gÿo pú’u, tá ntʉ́m gẅi lêen ńké ńdʉ́a mvfò Ssé.

Lukase 11:41 Referans Kwoze

Lukase 12:33

Pi sẅíŋ shúm sie pi gẅiin, ńná nkáb mbwo pàtèmmó, ńdɔgɔ ńgẅiin púɔ pɔ̀ɔn nkáb pie é lɔɔn ńgwɔ́ é le tɔ́gte, ńdɔg ńde’e fù’ gí lejʉ́ŋ Ssé. Á jʉ’ gie á lɔɔn ńgwɔ́ wó, á le mag, metsǒŋ le ku’u léjʉ wɔ́, asɔ́ɔn á le ku’u léjÿó wɔ́.

Ŋwà’ne Jâg 1:27

Nyìŋ gẅie e Ssé líe yé á gwɔ́ kwà’ ná nò yé Ssé, tà mmó té ná yé zág, aa nyìŋ gẅie à líe púɔ métsé mbɔɔ mepfɔ̌g tsɛ̀ɛ ngɔ́’ yɔb, ńgwɔ́ nyìŋ gẅie à pɔ́ɔn mbùm ye, ḿbɔ́g menò njÿó lécʉŋte yé.

Titus 1:15

Akɔ́ɔkɔ́ɔ gwɔ́ pɔ́ mbòŋ mbwo pʉ̀a pie pɔ́ gẅiin ntʉ́m mbòŋo mvfò Ssé. Tá ńgʉa ná pʉ̀a pie ntʉ́m wɔ́b té poŋ, á nue pɔ́ té zába nà Ssé wɔ́, atsɔ́ mmó mbòŋo té wó mbwo pɔ́b wɔ́. Legyè sɔ́b neŋé ńtyé pɔ́ nà menò tepòŋ tà mbùm yɔb tè gíŋe ńcúa wɔ́b gwɔ́.

Heber 13:16

Tà pi lege légÿo nò mbòŋo mbɔɔ lélɔgɔ mmó gie pi gẅiin ńkẅéte pʉ̀a, á nue legÿo mɛ̌ menò áa lii pwɔ́’ gie á poŋ Ssé.

Megàŋ ntúm 10:15

Piɛ gíŋe ńjú’ ngyè nyìŋ nà mbɔ́ɔntè yépʉ́a, é gɔɔn né yé ngie: Ammó lɔɔn ńgwɔ́ tà Ssé kẅile *lɔ̌’, tè gíŋe ńzse nzse mǒ.

Lukase 16:9

Yěsô ma’a twó ngie: Pi lɔg gí shúm se yɔɔn tèpòŋ njÿó, ńkúu kwà’ shǔ gẅie é tsẅé té mì, à lá’ ńtyé fʉ̀’ gie sɛ̌ shúm ŋwɛ́ té nyé wó wɔ́, e Ssé lɔgɔ gẅi ńgʉa lá’ ye, pi tsẅé ńgwɔ́ wó.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

2 Korento 8:12

Nyìŋ náa mmó ne ntʉ̀m mbòŋo, e Ssé gwɔ́ zẅíŋe mmó gie ngàŋ nǎ, éfó pɔ́ ná gie ngàŋ gẅiin, à tè fó ná gie ngàŋ tè gẅiin wɔ́.

Lukase 19:8

Pɔ́ ye gÿo ńgwɔ́ ndá, Sakîo tyé mvfò ye ńgɔɔn ngie: Cʉ̀apʉ̀a, mèŋ n ge gabte shúm sɔ́ɔn nzsè pʉ́a, é náa tà’ nzsè mbwo pàtèmmó, ńgwɔ́ gie n dǎ lɔgɔ gáte ńkẅé mmó nyìŋ, mbà mèŋ n ge tsɔ́’ náa mbwo ngàŋ ngʉ̀a lekùa.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

Matio 5:42

Nyìŋ náa mmó mbwó nyìŋ gẅie à ne ńdúɔ mmó mbwó yé. Tà nyìŋ ké ńtém nzèm nyìŋ gẅie à zɛté ngie à fuu yé mmó.

Efeso 4:28

Pʉ̀a pie pɔ́ gẅiin mà léjʉ gwá’ tsǒŋ, ńcʉ́’ ńdɔg mbwó mɔ́b, éfa’ tà ńtéŋe zì’i ńzsé ngie pɔ́ ge gẅiin mmó tà lɔgɔ tsɔ́ é kẅéte pʉ̀a pie é ne ńzága yɔ́b,

Megàŋ ntúm 11:29

Agabus gɔɔn pá’ɔɔn, epʉ̀a Kristo záb ngie awɔ̌wɔ́ɔ náa yé mmó gie à ku’u mǒ, mé túm, ńdɔg ńkẅéte mefɛ́ mefɛ́ pie pɔ́ tsẅé tsɛ̀ɛ pàga ngwòŋ Jẅidea.

Matio 26:11

Pi ge ne gyá mepóŋ pɔ́ fʉ̀’ ntsèm, tá ńgʉa ná mèŋ, mbà pege tè gwɔ́ pɔ́ fʉ̀’ ntsèm wɔ́.

Megàŋ ntúm 24:17

N ka ńnéŋe túm tɛ’. N kaa pá’ɔɔn, mbà mèŋ m biŋé Yerósalem pɔ́ léná nkáb ńdɔg ńkẅéte lá’a yég, mbɔɔ lénáa mmó lélɔg ńgu’te Ssé.

Malékuse 7:19

Á té kúu tsɛ̀ɛ ntʉ́m ngàŋ wɔ́, á kú pɔ́ tsɛ̀ɛ lepfòm sé, ńkẅɛ ńkúu tsɛ̀ɛ kwɛ. Yěsô lɔgɔ ńgɔɔn ngie: ammó gie mé jÿó jÿǒ zɔ̌ té gie áa mvfò Ssé ńgwɔ́ gie á ńnéŋe *lɔ̌’ ná nyìŋ wɔ́,