Lukase 11:4 - Nouveau Testament en Ngienboum

⁴ lege menò tepòŋ még ńná né peg, Mélà’mie peg ne ńdege yég ńnáa mbwo pʉ̀a pie pɔ́ fʉ̌a nò mbwo peg. Tè zẅíŋ ngie peg kúu tsɛ̀ɛ nkwà’te.

Lukase 11:4 Referans Kwoze

Matio 26:41

Tà pi gíŋe ńdyé, pi sẅíŋte Ssé, ḿbɔ́g menò njÿó lékwà’te gẅí, pi fʉa nò. Ntʉ́m nyìŋ tʉte tɛ’ tá’, mbùm nnɛ́ pÿɛ́ pÿɛ̌.

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.

Matio 18:35

Yěsô cʉ́me ńgɔɔn ngie: Áa ndʉŋ ndʉŋ pá’ Tá wɔ̀ɔn gẅie aa tÿǒ lepwó, à ge gÿo nà wɔ̌wɔɔ tsetsɛ̀ɛ pi, pá’ à lɔɔn tè lege mefʉa fɛ́ we nê ngwòŋ ntʉ́m we ntsèm wɔ́.

Ŋwà’ne Jâg 2:13

E Ssé ge lá’ ne tsɔ́’te mentsaŋ, á le tsɔ́ɔn mezìŋe tè tsɔ̌ɔn mezìŋe pʉ̀a wɔ́, tá ńgwɔ́ gie nyìŋ la tsɔ́ɔn mezìŋe, mbà á ge lá’ lɔg pú’u, e Ssé le yé ŋag.

2 Timote 4:18

Cʉ̀apʉ̀a ge gÿo fó nà nò tepòŋ ntí ntí é kẅile wɔ̀ɔn, é gÿo mèŋ n tsẅɛ́ légwɔ́ gie mèŋ n ge kúu nà nò lefùɔ yé á tÿǒ lepwó. Agù’te lá’a ńgwɔ́ pɔ́ mbwo Cʉ̀apʉ̀a fʉ̀’ ntsèm. *Amen.

2 Tesalonika 3:3

Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

1 Korento 10:13

Menkwà’te mie é ka kúu gẅí, ée mie é kúu nyìŋ mesoŋ. E Ssé gẅie à tè gɔɔn nò ḿbiŋ ńkúbe wɔ́, à tè zẅíŋ ngie nkwà’te kúu gẅi tà ńgá’ metʉ̀ mí wɔ́. Nkwà’te ge gwɔ́ tà tó, à náa gẅi metʉ̀ lélɔg shÿɔg ḿbiŋ ńnáa gẅi shÿó lélɔg fó tsoló ńkẅɛ.

Ŋwà’ne Jâŋ 17:15

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

Lukase 22:46

Á gɔɔn ngie: Pi ńnéŋe té lyé, ḿbɔ́g menò njÿó lékwa’te gẅi pi fʉa nò.

Lukase 8:13

Ajʉ’ ye metóon é gwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág tá á té lyɛ menŋaŋ wɔ́, ńgwɔ́ pʉ̀a lyɛ̌’ɛ lá’, ngɔ́’ gwɔ́ tà ńtó, pɔ́ gwóon ńgwá’.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Lukase 11:5

Yěsô gíŋe ńgɔɔn ngie: Pege lɔgɔ yɔɔn ḿbí fʉ̀’: Ɔ̀ gẅiin shǔ ɔ̀, ńgʉa mbʉ̀a ye tsɛ̀ɛ tsẅɛ́’, ńgɔɔn né yé ngie: Ashǔ, tsétsɔ’ leen ńnáa wɔ̀ɔn mbelég ntá’ tá.

Lukase 13:4

Pi zɔɔn ńkímte pʉ̀a ntsɔ̀b lefɔ̌ɔn nê legém pie máa ndá la keme ńzẅéte wɔ́b á Siloé. Pi kwǎŋ ngie pɛ̌ pʉ̀a lɔ́ɔn ńdɔgɔ ńgwɔ́ pʉ̀a tepòŋ ńcʉa petsɔ́ pʉ̀a Yerósalem metsèm lá?