Lukase 10:9 - Nouveau Testament en Ngienboum

⁹ Megàŋa guɔ gwɔ́ jʉ’ó pi gÿo pɔ́ zéŋe, ńgɔɔn mbwo lá’ ngie: Afʉ̀’ gie Ssé ge zye lényɛ *lefùɔ sé tsoté tà ńgwɔ́ lejʉ́ŋ pi.

Lukase 10:9 Referans Kwoze

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Lukase 10:11

Peg pú’u pfepfɔ́b gí nà mekwò még ngie à piŋ nzèm ńkúu twó pi, tá pi ke ńzsé ngie afʉ̀’ gie Ssé ge nyɛ lefùɔ sé tsoté tà ńgwɔ́ lejʉ́ŋ pi.

Megàŋ ntúm 28:31

Á ne sá’a shwóŋó pʉ̀a mmó gie *lefùɔ Ssé ée sɛ̌, ḿbiŋ ńcwoŋo ńzí’i wɔ́b nyìŋ gẅie Cʉ̀apʉ̀a Yěsô Kristo aa yé pɔ́ shʉ̀ashʉ̌a, atsɔ̌ nyìŋ piŋ ńké tè yé tɔ’.

Lukase 9:2

Ńdêen ńké ńtúmo wɔ́b ngie pɔ́ gʉa shwóŋ pá’ nò *lefùɔ Ssé áa pú’u, ńgíŋ ńgÿo megàŋa guɔ zeŋe,

Megàŋ ntúm 28:28

Pɔl gíŋe ńgɔɔn né pɔ́b ngie: Pi gẅiin lézsé ngie, á ké ńgwɔ́ fʉ̀’ɔɔn, mbà Ssé kéen ńtúm Nkʉ̀ mbòŋo gẅie é gÿo mé tsẅɛ́, á mbwo pʉ̀a pie é té pà Yuda wɔ́. Pɔ́ ge jú’ é zẅíŋ. [

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Malékuse 6:13

Pɔ́ lɔ́ɔn ńgíŋe ńjwoŋo *messé tepòŋ mie é pue pʉ̀a, ńtse mèvɛ nà meguɔ tà ńgyɔ́ɔn, pɔ́ zeŋe.

Malékuse 4:30

Yěsô gíŋe ńgɔɔn ngie: À lɔɔn ńgwɔ́ pege lɔgɔ kɔ́ ḿbí fʉ̀’ pá’ *Lefùɔ Ssé ée pú’u, ńgwɔ́ pege lɔgɔ yɛ̌ *sagá nò ńtyɛ’te?

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Lukase 10:10

Tá’, pi lɔɔn ńké ńkúu nà tsɔ́ tÿǒsoŋ, pʉ̀a jʉ’ó lʉ’ʉ lékúe gẅí, pi fó jʉ’ó ńgʉa tà ńkúu ndùmo gyɛ̌, ńgɔɔn mbwo lá’ ngie: