Lukase 10:7 - Nouveau Testament en Ngienboum

⁷ Pi vɔg tà ńkúu tsɛ̀ɛ yɛ̌ ndá wɔ́, pi ńnéŋe pɔ́ tsɛ̀ɛ ndá ayɛ̌, pi pɔ́ɔn légíŋe ńgʉa tsɔ́ jʉ’e ndyɛ̀’ɛ, mé náa kɔ́ wɔ́ pi pfɛ́, ńná melù’ pi nú, té kú shʉ́, mélà’mie nyìŋ fa’a fà’, mbà à ge jÿó pìi fà’.

Lukase 10:7 Referans Kwoze

2 Timote 2:6

Nyìŋ gẅie à fa’a nká’ nyìŋ, à lɔɔn ńtéŋe zì’i mboŋó, mbà yé zɔ ge vɔgɔ lépfɛ́ɛ mmó gie á fóo nká’.

Galatia 6:6

Á póŋ ngie nyìŋ gẅie mé ne ńzí’i yé nò Ssé à gab shúm sé ńná se nyìŋ gẅie à ne ńzí’i yé.

Lukase 9:4

Pi gʉa tà ńkúu jʉ’, mé gɔɔn ngie pi lá’a tsɛ̀ɛ yɛ̌ ndá wɔ́, pi ke ńtsẅé pɔ́ ndá ŋwɛ́ tà ńdá’ ńgʉa.

Malékuse 6:10

Yěsô gíŋe ńgɔɔn né pɔ́b ngie, pi gʉa tà ńkúu jʉ’, mé gɔɔn ngie pi lá’a tsɛ̀ɛ yɛ̌ ndá wɔ́, pi ké ńtsẅé pɔ́ wó tà ńdá’ fó jʉ’ó ńgʉa.

1 Timote 5:13

Atsɔ́ mmó gie á gÿo mé té lwo ńŋwe’e mezíŋ mɔ́b wɔ́ áa pá’ mé lɔɔn ńŋwe’e pɔ́ cʉ́’ melǒŋ, ńgwá ńkʉ́’ʉ mendá mendá, á gwɔ́ mege pÿɔ́g pɔ́ gwá ńkaa mezíŋ pʉ̀a, ńgwá ńkyɛ́’ menò mie mé ée ntěen ńkyɛ́’ɛ wɔ́, ńgɔɔn nò ná menò mie é té ne ńdíe wɔ́b gwɔ́.

Megàŋ ntúm 16:34

Á piŋ ńdɔgɔ wɔ́b mépʉ́a ḿbʉ́ ńgʉa ndá yé, ńná shúm pɔ́ jÿó. Pâ ngẅɛ̀ ndá ye pú ńkág, mélà’mie pɔ́ zǎb ntʉ́m wɔ́b nà Ssé.

Megàŋ ntúm 16:15

Mé pɔ́ɔnte ḿbú ńnu’u wɔ́ba ngẅɛ̀ ndá yé ntse. Á pɔ́ɔnte ńgwɔ tóŋo wég mbʉ̀a yé ńgɔɔn ngie: Peg lɔɔn ńgyá yég ngie à zẅiŋé nò Cʉ̀apʉ̀a tà shwóŋó nò, peg tó ńtsẅé mbʉ̀a yé, ńgɔɔn pú’u, ńtsóte wég tsóte lézẅíŋ.

Megàŋ ntúm 16:40

Pɔl pɔ́ Silas kẅɛ fʉ̀’ɔɔn, ńgʉa nê mbʉ̀a Litiɔ, ńkúu wó, ḿbú ḿbíte kɔ̌kɔ́ɔ shwóŋ mefɛ́ mefɛ́, ńkẅiŋte wɔ́b, tá ńgʉa.

Lukase 10:6

Pi gɔɔn pú’u, nyìŋ gẅie à kwǒŋ mbʉ́lè gwɔ́ ndá, mbà mbʉ́lè ge kúu ná yé. Tà á té pú’u wɔ́, mbà è ge piŋ kúu ná pi.