Lukase 10:6 - Nouveau Testament en Ngienboum

⁶ Pi gɔɔn pú’u, nyìŋ gẅie à kwǒŋ mbʉ́lè gwɔ́ ndá, mbà mbʉ́lè ge kúu ná yé. Tà á té pú’u wɔ́, mbà è ge piŋ kúu ná pi.

Lukase 10:6 Referans Kwoze

2 Tesalonika 3:16

Cʉ̀apʉ̀a gẅie à ńnéŋe sẅétè ntʉ́m pʉ̀a, yé lê twó yé zɔ ne ńnéŋe sẅétè ntʉ́m pi fʉ̀’ ntsèm, á nà meshÿó ntsèm. Cʉ̀apʉ̀a ne ńgwɔ́ né pi metsèm.

Ŋwà’ne Jâg 3:18

Pʉ̀a pie pɔ́ lɔgɔ pɔ́ mbʉ́lè ńnéŋe tsetsɛ̀ɛ pʉ̀a mesoŋ, pɔ́ ne ḿbye mmó lê mbʉ́lè. Mentɔ̌ɔn mie pɔ́ káb á gwɔ́ léńnéŋe pá’ Ssé ne ńkwoŋo.

Efeso 5:6

Tà nyìŋ lɔgɔ púu shwóŋè, éfʉʉ gẅí. Menò mie mé tʉ́ʉ lɔɔn zɔɔn ńgÿo Ssé gyáŋa lóŋ ńtí pʉ̀a pie pɔ́ té gÿo mmó gie à ne ńkwoŋo wɔ́.

1 Piɛ 1:14

Pi jú’ ncwò Ssé, pá’ penkʉ́ pie é jú’u ncwò, tà pi gíŋe ńzẅíŋ menkwaŋá tepòŋ mie é kɔ́ɔn sá’a gẅi fʉ̀’ gie pi ka nyě tè zsě Kristo gíŋe sá’a gẅí.

Lukase 10:5

Pi gʉa tà ńkúu ndá nyìŋ, pi vɔg ńgɔɔn ngie: E Ssé néŋ mbʉ́lè tsɛ̀ɛ yɔɔn ndá.

Lukase 10:7

Pi vɔg tà ńkúu tsɛ̀ɛ yɛ̌ ndá wɔ́, pi ńnéŋe pɔ́ tsɛ̀ɛ ndá ayɛ̌, pi pɔ́ɔn légíŋe ńgʉa tsɔ́ jʉ’e ndyɛ̀’ɛ, mé náa kɔ́ wɔ́ pi pfɛ́, ńná melù’ pi nú, té kú shʉ́, mélà’mie nyìŋ fa’a fà’, mbà à ge jÿó pìi fà’.