Lukase 10:42 - Nouveau Testament en Ngienboum

⁴² Tá’ tà’a mmó gwɔ́ wó, ńgwɔ́ tʉ̀ nzẅìŋ, Malîɛ kaŋá yɛ̌ ŋwɛ́, ḿbɔ́ɔn nyìŋ léfó mbwo yé ńkẅé.

Lukase 10:42 Referans Kwoze

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Malékuse 8:36

Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá á ké ńgwɔ́ gie e ge lɔg pɔ́ twó yé, mbà e ge kẅéte yé nà kɔ́?

Lukase 8:18

N dɔgɔ shwóŋó gẅi ngie pi lag twó sí nà ntí gie pi lɔgɔ ńjú’u shwóŋè Ssé, nyìŋ lɔɔn ńgẅiin mmó, mbà mé ge kẅi’i. Tá ńké ńgʉa ná nyìŋ gẅie à tè mmó gẅiin, mbà mé ge kẅé méjʉ’ gẅie à kwǎŋ ngie à gẅiin.

Lukase 12:20

Tá’, e Ssé gɔɔn né yé ngie: Ɔɔ gʉ̀gʉ̀, mèŋ, n ge lɔgɔ gú gʉa pɔ́ kwà’ lêtsẅɛ́’ lyɛ̌’ɔɔn. Eshúm sie ɔ̀ sěen ńcú’te tsɛ̀ɛ menkìŋ lɛ cʉ́’ se wɔ́?

1 Korento 13:3

À lɔɔn ńgwɔ́ mèŋ n gabte shúm sɔ́ɔn ntsèm ńnáa mbwo pʉ̀a pie nzyè ne ńgyáŋa wɔ́b, à lɔɔn ńgwɔ́ n zẅíŋ ngie mé túɔ wɔ̀ɔn, tá á gwaa gwɔ́ pú’u, n tè kwoŋo nyìŋ mesoŋ wɔ́, mbà á té kẅéte wɔ̀ɔn nà tsɔ́ mmó wɔ́.

Lukase 12:33

Pi sẅíŋ shúm sie pi gẅiin, ńná nkáb mbwo pàtèmmó, ńdɔgɔ ńgẅiin púɔ pɔ̀ɔn nkáb pie é lɔɔn ńgwɔ́ é le tɔ́gte, ńdɔg ńde’e fù’ gí lejʉ́ŋ Ssé. Á jʉ’ gie á lɔɔn ńgwɔ́ wó, á le mag, metsǒŋ le ku’u léjʉ wɔ́, asɔ́ɔn á le ku’u léjÿó wɔ́.

Lukase 16:25

Ábalam tsɔ́’ɔ mbwo yé ngie: Míŋ wɔ̀ɔn, kímte pá’ ɔ̀ ka nyé tsɛ̀ɛ njÿó ńgwɔ́ tsɛ̀ɛ fù’, Nǎzalo ne ńgyá ngɔ́’, á piŋ ńgwɔ́ fʉ̀’ɔɔn, Nǎzalo gwɔ́ tsɛ̀ɛ fù’, ɔ̀ ne ńgyá ngɔ́’.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Lukase 16:2

Á tóŋo yé ńzɛ́te yé ngie: N jǔ’ mé gɔɔn ngie ɔ̀ cʉ’ʉ́ ńgÿo pɔ́ lêkɔ́ lɛ? Pʉ́le sáŋ shúm sie n da cʉ́me mbwo gù éshwóŋó wɔ̀ɔn. Mèŋ, n cʉ’ʉ́ ńnyé ńkwoŋo ngie ɔ̀ líe shúm sɔ́ɔn mɔ́.

Lukase 10:39

Mágtà la gẅiin fɛ́ we we manzwě, lezíŋ sé gwɔ́ le Malîɛ. Yěsô tó tà ńnéŋe ssé, Malîɛ tó ńnéŋe lejʉ́ŋ yé, ńně ńjú’u shwóŋè yé.

Lukase 11:1

Yěsô gwɔ́ tsɔ́ lyɛ̌’, ńgwɔ́ tsɔ́ jʉ’ ne sẅíŋte Ssé, ésẅíŋte Ssé tà ńtsẅé jʉ’, atsɔ̌ *ngàŋa kwò we tó ńgɔɔn né yé ngie: Tá weg, Jâŋ la zí’i *ngàŋa kwò yé lésẅíŋte Ssé, zí’i wég yég lésẅíŋte Ssé.

Ŋwà’ne Jâŋ 6:27

Tà pi kag tʉ̀ nà shúm léjÿó sie é té láte, pi kag tʉ̀ pɔ́ nà shúm léjÿó sie nyìŋ jÿǒ, é gÿo á lá’a ńgwɔ́ pɔ́ wó. *Míŋ Nyìŋ zɔ ge ná sɛ̌ shúm léjÿó mbwo pi, mélà’mie Ssé Tá la cÿɔ’ɔ liŋé yé ná yé.

Ŋwà’ne Jâŋ 11:1

Atsɔ̌ nyìŋ gÿo ńgwe gùɔ, lezíŋ sé gwɔ́ le Nǎzalo. Pâ mefɛ́ pé pe panzwě mépʉ́a, Mágtà pɔ́ Malîɛ pú ńtsẅê tsɛ̀ɛ lá’a Mbetáni.

Ŋwà’ne Jâŋ 11:19

lelÿò pà Yuda gwaa gwɔ́, mbà pɔ́ tǒ mbʉ̀a Mágtà pɔ́ Malîɛ, létsí’i ntse nÿɔ́g mɔ́b, ńtí fɛ́ wɔb gẅie à ka kwě.

Ŋwà’ne Jâŋ 12:3

Malîɛ ńnéŋe tà kaa kème líta laméndɔɔn gie á cÿɔ́g nkáb tɛ’, mbà mé la lɔgɔ tsɔ̌ legǐ gẅie mé tóŋo le nard ńnyɛte. Á lɔg ńzɔ́’ mekwò Yěsô, ńdɔg menòŋo twó mé ńtsí’i. Agyě laméndɔɔn kwɔ́’ ḿbú ńjÿó ndá.