Lukase 10:25 - Nouveau Testament en Ngienboum

²⁵ Atsɔ̌ nkyàgte *lepʉ̌ Mǒsê jú’u shwóŋè Yěsô tà ńdu ssé, ńdʉŋte yé, ńzɛ́te yé ngie: Tsítsà, à lɔɔn ńgwɔ́ mèŋ n gÿo yɔ́ɔn lêkɔ́ tá ńgẅiin le gwɔ́ tèmì?

Lukase 10:25 Referans Kwoze

Lukase 18:18

Atsɔ̌ ńkěm pà Yuda tó ńzɛ́te Yěsô ngie: Tsítsà we mbòŋo, à lɔɔn ńgwɔ́ mèŋ n gÿo lêkɔ́ tá ńgẅiin le gwɔ́ tèmì?

Galatia 3:18

Á nue ntÿɔgɔ́ gẅie é fóo mbwo Ssé laa pé’e mé zẅɛ́’ɛ pɔ́ *lepʉ̌ tá ńgẅiin, mbà ńgwɔ́ é le gíŋe fó ná pá’ e Ssé la ka’ wɔ́. E Ssé la zɔɔn ńnéŋe tà fʉ̀’ ku’ á lɔgɔ mmó gie à la ka’a mbwo Ábalam ńdɔg ńcÿó gʉm yé cÿó.

Lukase 7:30

Tá ńgʉa ná pà *farisay, pâ pàkyàgte mbʉ̌ Ssé, mbà pɔ́ la gwá’a yɔ́b yɛ̌ nò gwǎ’, tá á gwɔ́ gie Ssé la nyɛte ńtíi wɔ́b, ńgwá’ pú’u, pɔ́ té zẅíŋ Jâŋ nu’u wɔ́b ntse wɔ́.

Malékuse 10:17

Yěsô gÿo ńtyé mánzsè ńne ńgee, atsɔ̌ nyìŋ kÿote ńtó ńkẅí’te mvfò yé, ńzɛ́te yé ngie: Tsítsà, gù zɔɔ kwà’ nyìŋ mbòŋo. Mèŋ n ge gÿo yɔ́ɔn lêkɔ́ tá gẅiin le gwɔ́ tèmì?

Malékuse 12:28

Yěsô pâ pɛ̂ pʉ̀a ne ńzoŋo pɛ́’ɛ̀, atsɔ̌ nyìŋ nà nùɔ *pàkyàgte lepʉ̌ Mǒse gwɔ́ yé jʉ’ó, ńgwɔ́ tà ńjú’ pá’ Yěsô tsɔ̌’ mboŋó, ńdeen ńtó nê lejʉ́ŋ ye, ńzɛ́te yé ngie: *Lepʉ̌ sie é pú ḿbi’ metsɔ́ ntsèm, ée sɛ̌?

Lukase 10:24

Tà mèŋ n ké shwóŋó gẅí, lélÿo *pàntsẅì nkʉ̀ Ssé, mbàa mefùɔ lǎ tsɔ́ɔn légyá menò mie pi gyá lɛ̀ tɛ’, pɔ́ té gyá, ńtsɔ́ɔn lé jú’ menò mie pi ne ńjú’u lɛ̀, pɔ́ té jú’.

Lukase 10:26

Yěsô jú’ pú’u, ńgɔɔn mbwo yé ngie: Ɔ̀ tóŋo jú ŋwà’ne Ssé ńjú’u pɔ́ lêkɔ́?

Ŋwà’ne Jâŋ 8:6

Pɔ́ gɔɔn pú’u, é gwɔ́ pɔ́ lejÿɔ’ lélɔg ńgwoon yé. Pɔ́ fa’a ndiletáŋ lélɔg sẅiŋe yé. Tá’ Yěsô ŋwé’e ssé, ńzye lélɔgɔ mûɔ tepwó we, ńŋwe’e mmó ssé.

Malékuse 10:3

Yěsô zɛ́te wɔ́b ngie: Mǒsê la tsẅii tsɛ̀ɛ *lepʉ̌ ngie pi gÿo pɔ́ lêkɔ́?