Lukase 10:21 - Nouveau Testament en Ngienboum

²¹ Yěsô ne ńgɔɔn yɔɔn nò, à Zẅìge Ndʉalʉ̌a gÿo letʉ́m sé pú ńkág tɛ’, á lêen ńké ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’. Mèŋ sǐe gú pá’ ɔ̀ kéen ńnyɛ mɔɔn menò mbwo mecʉ̀cʉ̀ŋ, ńdÿoon mbwo megye pâ pʉ̀a pie é la zí’i. Oon mè Tá wɔ̀ɔn, ɔ̀ la gyá ngie ɔ̀ ge gÿo yɔɔn nò pɔ́ pú’u.

Lukase 10:21 Referans Kwoze

2 Korento 4:3

Á lɔɔn ḿbiŋ ńgwɔ́ gie Nkʉ̀ Mbòŋo gẅie peg tsẅii, ée mbwo tsɔ́ pʉ̀a ńnyé pɔ́ tsɛ̀ɛ nkǔɔ, mbà nkǔɔ pwoon pú’u, pɔ́ mbwo pʉ̀a pie pɔ́ ne ńkÿo Ssé ńgee ḿbyé pyé,

Efeso 1:11

Peg la zẅɛ́’ pɔ́ pá’ peg lǎ nnɛ́ ná Kristo, tá ńgẅiin yég jʉ’ tsetsɛ̀ɛ pʉ̀a pie à gÿǒ pɔ́ tsẅɛ́, á nue e Ssé la tʉ́ njÿó ńtsɔ́’ɔ wég. Á gwɔ́ pá’ a la záb. E Ssé piŋ ńgÿo kɔ̀ɔkɔ́ɔ pɔ́ pá’ à la záb ngie à ge gÿo pú’u.

Efeso 1:5

ńzáb tà tyě sǎg tɛ’ ngie à ge cʉa ná Yěsô Kristo é gÿo pege cʉ́’ púɔ pé. Á gwɔ́ pɔ́ we lekwoŋ, ńké ḿboŋo yé tɛ’.

Malékuse 10:15

Mèŋ shwóŋó gẅí, kwà’ nénʉ́, nyìŋ lɔɔn tè cʉ́’ pá’ mûɔ mémúɔ, ńzẅíŋ ngie Ssé zɔ cʉ’ʉ́ sá’a yé wɔ́, mbà pɔ́ Ssé té ńdá’a ńteme nò wɔ́.

Matio 21:16

ńdeen ńké ńzɛ́te Yěsô ngie: Tá ɔ̀ ne ńjú’u mmó gie penkʉ́ ne ńgɔɔn lɛ? Yěsô tsɔ́’ɔ mbwó pɔ́b ngie: N ne ńjú’u! MÀbiŋ ngie: Pi laa fó ńtóŋ nkàŋ ŋwà’ne Ssé gẅie é gɔɔn ngie: «Penkʉ́ tà mbɔɔ pûɔ mepÿɛ́, ńne ńdɔgɔ ncwò wɔ́b ńgu’te gú pá’ ɔ̀ ka tsɔ̌ɔn» wɔ ka?

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Lukase 15:9

À ge gyá, é tóŋ mesǒ pé mbɔɔ ngàŋ nkwɔ’ɔ́ mbʉ̀a, é gɔɔn né pɔ́b ngie: Pi tó pege kág ńtí pá’ n gyǎ pàga nkáb yɔ́ɔn gie á ka pyě.

Lukase 15:5

À ge fa’ tà gyá, é pú kág, é kaa zába mekẅí yé,

Ŋwà’ne Jâŋ 11:41

Mé gwɔ́ tà sẅɛ’te tóon, Yěsô pʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, mèŋ n nǎ ndǎg pá’ mèŋ sẅíŋte gú, ɔ̀ jú’.

Matio 3:7

Jâŋ gyá pá’ pʉ̀a ná nùɔ pà *farisay paa pʉ̀a ná nùɔ pà *sadukay tó yɔ́b tà ńgyɔ́ɔn, pá’ à ge nu’u wɔ́b ntse, ńgɔɔn né pɔ́b ngie: ngẅɛ̀ mennú, pàpá’ legye, àwɔ́ zɔ piŋ shwóŋó gẅi lékÿo ngɔ́’ gie pi lyɛbté tà é ne ńge gwe á ná pi.