Lukase 10:16 - Nouveau Testament en Ngienboum

¹⁶ Yěsô gíŋe ńgɔɔn mbwo *ngàŋa kwò yé ngie: Nyìŋ lɔɔn ńzẅíŋe shwóŋè gí, mbà à zẅiŋe pɔ́ shwóŋè yɔ́ɔn. Nyìŋ lɔɔn ńdʉ’ʉ gẅí, mbà à lʉ’ʉ pɔ́ wɔ̀ɔn, ńdɔ́gɔ pú’u, ńdʉ’ʉ nyìŋ gẅie à la túmo wɔ̀ɔn

Lukase 10:16 Referans Kwoze

Ŋwà’ne Jâŋ 13:20

Tà mèŋ shwóŋó gẅí, kwà’ nénʉ́, nyìŋ lɔɔn ńkúe nyìŋ gẅie mèŋ n tumó yé, mbà à kúe pɔ́ wɔ̀ɔn. Nyìŋ gẅie à pǐŋ ńkúe wɔ̀ɔn, à kúe pɔ́ nyìŋ gẅie à túmo wɔ̀ɔn.

Matio 10:40

Nyìŋ lɔɔn ńkúe gẅí, mbà à kúe pɔ́ wɔ̀ɔn, nyìŋ piŋ ńkúe wɔ̀ɔn, mbà à kúe pɔ́ nyìŋ gẅie à la túmo wɔ̀ɔn

1 Tesalonika 4:8

Pú’u la, nyìŋ gẅie à ju’ú yɔɔn nò ńdʉ’, à tě ńdʉ’ʉ pɔ́ nyìŋ mesoŋ wɔ́, à lʉ’ʉ pɔ́ Ssé gẅie à la náa zẅìge ndʉalʉ̌a yé mbwo pi.

Ŋwà’ne Jâŋ 12:48

Nyìŋ lɔɔn ńgwá’a wɔ̀ɔn, ńdʉ’ʉ shwóŋè yɔ́ɔn, mbà ngàŋ gẅiin nyìŋ gẅie à ge ŋaga yé. Ashwóŋè gie mèŋ n ka gɔɔn zɔ̌ ge lá’ ŋaga yé lyɛ’ɛ́ nzsò nzèm.

Ŋwà’ne Jâŋ 12:44

Yěsô ńnéŋe tà ńgɔɔn nê ngyè tetʉ́ʉ ngie: Nyìŋ lɔɔn ńzáb ntʉ́m ná mèŋ, mbà ngàŋ tě ńzába pɔ́ ndà’ ná mèŋ wɔ́. À giŋé ńzába ná nyìŋ gẅie à la túmo wɔ̀ɔn.

Malékuse 9:37

Nyìŋ lɔg lezíŋ sɔ́ɔn, ńkúe mûɔ memûɔ pá’ wɔɔn lɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà ngàŋ tě ńkúe pɔ́ ndà’ wɔ̀ɔn mɔ́, à kúe pɔ́ nyìŋ gẅie à la túmo wɔ̀ɔn.

Matio 18:5

Nyìŋ lɔg lezíŋ sɔ́ɔn ńkúe mùɔ memúɔ pá’ wɔɔn lɔɔn, mbà ngàŋ kúe pɔ́ wɔ̀ɔn.

Megàŋ ntúm 5:4

Nká’ kɔ’ɔ́ ńgwɔ́ pɔ́ gú, tá ɔ̀ sẅiŋ. Ɔ̀ pǐŋ sẅiŋ, nkáb gwɔ́ pɔ́ jù. Ɔ̀ pǐŋ ńgÿo lêkɔ́ ńgẅiin yɔɔn ntí nkwàŋte tsɛ̀ɛ ntʉ̀m gú? Ɔ̀ kaa cÿɔ nò pɔ́ mbwó pʉ̀a mésoŋ wɔ́. Ɔ̀ cÿɔ̌ nò pɔ́ mbwó Ssé.

Lukase 9:48

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò

Galatia 4:14

Á laa fʉ’ó, mbà guɔ cǔɔ wɔ̀ɔn tɛ’ tà mèŋ m bú ḿbÿɔ́g. Tá pi ké tè wɔ̀ɔn nyìŋe, ńké tè wɔ̀ɔn gwá’. Tà ńcʉ́’ pú’u, mbà pi la kúe wɔ̀ɔn pɔ́ pá’ *cÿɔ́’ Ssé, kà pɔ́ pá’ Yěsô Kristo wɔ́ la.