Lukase 10:11 - Nouveau Testament en Ngienboum

¹¹ Peg pú’u pfepfɔ́b gí nà mekwò még ngie à piŋ nzèm ńkúu twó pi, tá pi ke ńzsé ngie afʉ̀’ gie Ssé ge nyɛ lefùɔ sé tsoté tà ńgwɔ́ lejʉ́ŋ pi.

Lukase 10:11 Referans Kwoze

Megàŋ ntúm 13:51

Pɔl pɔ́ Panebâse gwaa fó lá’ ŋwɛ́ kẅɛ, ḿbú’u pfepfɔ́b nà mekwò mɔ́b lélɔg shwóŋó wɔ́b ngie á cʉ́’ʉ ńdíe pɔ́ wɔ́b, ńdeen ńké ńgʉa lê Ikonium.

Lukase 10:9

Megàŋa guɔ gwɔ́ jʉ’ó pi gÿo pɔ́ zéŋe, ńgɔɔn mbwo lá’ ngie: Afʉ̀’ gie Ssé ge zye lényɛ *lefùɔ sé tsoté tà ńgwɔ́ lejʉ́ŋ pi.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Megàŋ ntúm 13:46

Pɔl pɔ́ Panebâse lêen ńké shʉ̀ashʉ̀a ńgɔɔn né pɔ́b ngie: Peg kě ńzɔɔn ńgẅiin lévɔg shwóŋó nò Ssé pɔ́ mbwo pi pà Yuda. Pá’ pi kě ńdʉ’ lʉ’, ńnyɛ ngie pi kaa ku’ pá’ ńgwɔ́ pi gẅiin le gwɔ́ tèmì wɔ́ lá, peg ge sele nnɛ́ é gʉa fa’ pʉ̀a pie é té pà Yuda wɔ́,

Megàŋ ntúm 13:40

Pú’u la, pi ké ńdaga twó gí, ḿbɔ́gɔ mmó gie pà *ntsẅì nkʉ̀ Ssé la ŋwe’e tsɛ̀ɛ ŋwà’ne Ssé légÿo gẅí. Pɔ́ la gɔɔn ngie:

Megàŋ ntúm 13:26

Pɔl gíŋe ńgɔɔn ngie: Mefɛ́ mefɛ́, e Ssé gɔɔn yɔɔn nò pɔ́ mbwo pege metsèm. Á lélɔg ńgÿo pege tsẅɛ́. À túmo yɔɔn nò mbwo pi pie pi ee púɔ Ábalam, mbɔɔ mbwo pi pie pi pɔ́g Ssé.

Malékuse 6:11

Pʉ̀a tsɔ́ lá’ lɔɔn ńdʉ’ʉ lékúe gẅí, ńdʉ’ʉ lé jú’u shwóŋè gí, pi fó wó ńgwaa gʉa, ḿbú’u pfepfɔ́b mekwò pi, lélɔg ńnyɛɛ wɔ́b ngie nò gie pɔ́ gÿǒ, á cʉ́’ʉ ńdíe pɔ́ wɔ́b.

Matio 10:14

Pi kúu mbʉ̀a nyìŋ ka pɔ́ tsɔ́ tÿǒsoŋ wɔ́, mé lʉ’ʉ lékúe gẅí, ńdʉ’ʉ lé jú’u shwóŋó gí, pi fó wó ńgʉa, ńgwaa gʉa ḿbú’u pfepfɔ́b nà mekwò mí ńgwá’

Roma 10:21

Tá ńgʉa nà pà Israel, e Ssé gɔɔn ngie: Mèŋ n zɔgɔ lyɛ̌’ ntsèm pɔ́ létsíŋe pwó ńdɔgɔ ńtóŋo wɔ́b, pɔ́ tʉʉ twó tʉ, ésa shÿó nò gie n gɔ̌ɔn sa.

Roma 10:8

Ŋwà’ne Ssé gɔɔn pɔ́ ngie ashwóŋè Ssé áa lejʉ́ŋ gù, áa ncwò gù, ńgwɔ́ ntʉ́m gù. Yɛ̌ shwóŋè áa nò gie peg sá’a mbwo pʉ̀a ngie mé záb ntʉ́m ná Kristo.

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 10:7

Pi gʉa sá’ éshwóŋ pʉ̀a ngie: *Lefùɔ Ssé tsoté tà ne ḿbɔ́ɔnte.

Lukase 9:5

Nzɔ̌ nzɔ̌ gie pi kǔ wó mé lʉ́’ʉ lékúe gẅí, pi fó wó, ńgwɔ gʉa ḿbú’u pfepfɔ́b mekwò pi lélɔg shwóŋó wɔ́b ngie á cʉ́’ʉ ńdíe pɔ́ wɔ́b.

Lukase 10:10

Tá’, pi lɔɔn ńké ńkúu nà tsɔ́ tÿǒsoŋ, pʉ̀a jʉ’ó lʉ’ʉ lékúe gẅí, pi fó jʉ’ó ńgʉa tà ńkúu ndùmo gyɛ̌, ńgɔɔn mbwo lá’ ngie: