Lukase 10:10 - Nouveau Testament en Ngienboum

¹⁰ Tá’, pi lɔɔn ńké ńkúu nà tsɔ́ tÿǒsoŋ, pʉ̀a jʉ’ó lʉ’ʉ lékúe gẅí, pi fó jʉ’ó ńgʉa tà ńkúu ndùmo gyɛ̌, ńgɔɔn mbwo lá’ ngie:

Lukase 10:10 Referans Kwoze

Megàŋ ntúm 18:6

Tá pà Yuda tiŋ pɔ́ ndʉ̀’, ńzoonte Pɔl. Á lêen ńcʉ́’ ḿbú’ pɔ́ pfepfɔ́b nà menzsǒ mé, ńgɔɔn né pɔ́b ngie metse mí lɔɔn ḿpfɛte twó pi, mbà yɔ́ɔn nò té mǒ wɔ́. Mèŋ n gee fó fʉ̀’ɔɔn, é cʉ́’ʉ shwóŋó nò Ssé pɔ́ mbwo pʉ̀a pie pɔ́ té pà Yuda wɔ́.

Megàŋ ntúm 13:51

Pɔl pɔ́ Panebâse gwaa fó lá’ ŋwɛ́ kẅɛ, ḿbú’u pfepfɔ́b nà mekwò mɔ́b lélɔg shwóŋó wɔ́b ngie á cʉ́’ʉ ńdíe pɔ́ wɔ́b, ńdeen ńké ńgʉa lê Ikonium.

Matio 10:14

Pi kúu mbʉ̀a nyìŋ ka pɔ́ tsɔ́ tÿǒsoŋ wɔ́, mé lʉ’ʉ lékúe gẅí, ńdʉ’ʉ lé jú’u shwóŋó gí, pi fó wó ńgʉa, ńgwaa gʉa ḿbú’u pfepfɔ́b nà mekwò mí ńgwá’

Lukase 9:5

Nzɔ̌ nzɔ̌ gie pi kǔ wó mé lʉ́’ʉ lékúe gẅí, pi fó wó, ńgwɔ gʉa ḿbú’u pfepfɔ́b mekwò pi lélɔg shwóŋó wɔ́b ngie á cʉ́’ʉ ńdíe pɔ́ wɔ́b.

Lukase 10:9

Megàŋa guɔ gwɔ́ jʉ’ó pi gÿo pɔ́ zéŋe, ńgɔɔn mbwo lá’ ngie: Afʉ̀’ gie Ssé ge zye lényɛ *lefùɔ sé tsoté tà ńgwɔ́ lejʉ́ŋ pi.

Lukase 10:11

Peg pú’u pfepfɔ́b gí nà mekwò még ngie à piŋ nzèm ńkúu twó pi, tá pi ke ńzsé ngie afʉ̀’ gie Ssé ge nyɛ lefùɔ sé tsoté tà ńgwɔ́ lejʉ́ŋ pi.