Lukase 1:80 - Nouveau Testament en Ngienboum

⁸⁰ Míŋ Sakarîɛ gÿo ḿbʉ́le ńgú’ tà ńcʉ́’ʉ ndÿò, ńgʉa ńnéŋe nkwòŋo tsẅɛ̀, ńdá’a ńtsẅé pɔ́ wó tà ńkúu lyɛ̌’ gie à la nyɛ mbum ye mbwo pʉ̀a Israel.

Lukase 1:80 Referans Kwoze

Lukase 2:40

Múɔ ne ńgú’u, azsé nò yé né ńkẅi’i tɛ’, á gíŋe ne ńzsé mmó gie Ssé ne ńkwoŋo ngie pʉ̀a mesoŋ gÿo, e Ssé piŋ ńgwɔ́ lê yé.

Lukase 2:52

Yěsô ne ńgú’u, azsé nò yé né ńkẅi’i, e Ssé gwɔ́ lé yé, pʉ̀a mesoŋ ně ńkwoŋo yé.

Matio 3:1

Á zye ńnéŋe, Jâŋ Mbabtis kẅɛɛ nkwòŋo tsẅɛ Jẅidea, ńně sá’a ngie:

Ŋwà’ne Jâŋ 1:31

Kwà’ mèŋ n da tè ne ńzsé nyìŋ gẅie à ge gÿo gwɔ́ wɛ̌ wɔ́. Tá mèŋ n ka tǒ yɔ́ɔn, ńne ńnu’u pʉ̀a ntse lélɔg ńgÿo pà Israel zsé yé.

Lukase 1:15

À ge lá’ gwɔ́ mbwo Ssé é gwɔ́ nyìŋ tɛ’. À piŋ těen ńdá’a ńnúu melù’ wɔ́, tà mbɔɔ kɔ̀ɔkɔ́ɔ gie ńgwɔ́ nyìŋ nú ḿbʉ́a. À ge lá’ zɔɔn gwɔ kẅɛɛ lepfòm má we, mbà Zẅìge Ndʉalʉ̌a léen ńjÿó yé

Matio 11:7

Megàŋ ntúm Jâŋ gʉa, Yěsô cʉ́’ ńgɔɔn nò ńtí Jâŋ, á mbwó lá’ gie aa jʉ’ó, ńzɛ́te wɔ́b ngie: Á kaa fʉ̀’e Jâŋ pi gʉa nkwòŋo tsẅɛ ńgyá kɔ́? Á kekà’a gie fefà ne ńcʉ’te lá? Ngǎŋ.

Megàŋ ntúm 18:28

pâ pà Yuda zɔɔn ńtyé mvfò lá’, ńzóŋo nò ńnáa ná Yěsô, á ne ńdɔgɔ nò gie á fóo tsɛ̀ɛ ŋwà’ne Ssé ńnyɛte ńda’te ngie Yěsô zɔɔ *Nzà’nkÿo, ḿbú ne ńdɔgɔ yé shwóŋè ńjÿɔ́’ɔ ncwò pà Yuda.