Lukase 1:70 - Nouveau Testament en Ngienboum

⁷⁰ Á gwɔ́ nò gie à la lá’ ńtsẅi tà ntyě sagá, oon, à la lɔg ncwò *pàntsẅì nkʉ̀ pé ńgɔɔn ngie:

Lukase 1:70 Referans Kwoze

2 Piɛ 1:21

Á nue kɔ̀ɔkɔ́ɔ gie pà *ntsẅì nkʉ̀ Ssé lǎ tsẅi, pɔ́ laa gwaa tsẅi, a fóo pɔ́ nà legyè nyìŋ mesoŋ wɔ́. Pɔ́ gwaa gɔɔn nò gie Ssé ne ńkwoŋo ngie pɔ́ gɔɔn, à Zẅìge Ndʉalʉ̌a zɔ̌ tsóte wɔ́b tá pɔ́ gɔɔn.

Roma 1:2

Ntyě sǎg pá’ Ssé la la’ ńka’ wɛ̌ Nkʉ̀ Mbòŋo tà ńgÿo pà Ntsẅi nkʉ̀ pé pe fʉ̀’ʉ mvfò ŋwe’e tsɛ̀ɛ ŋwà’ne yé.

Megàŋ ntúm 28:25

Pɔ́ cʉ́’ʉ légʉa, pɔ́ té gíŋe shwóŋó ńjú’e wɔ́. Pɔl cʉ́’ ńgɔɔn né pɔ́b pɔ́ ngie: A Zẅìge Ssé lɔ́ɔn ńgɔɔn shwóŋó nò. Á la lɔg ncwò *ntsẅì nkʉ̀ Ssé Esǎya ńgɔɔn né metá pi ngie:

1 Piɛ 1:12

E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Malékuse 12:36

Mèŋ n ne ńzsé ngie: A Zẅìge Ssé la tsóte fùɔ Ndavíd, kwà’ yé lê twó mbùm yé gɔɔn nò ńtí *Nzà’nkÿo ngie: «Cʉ̀apʉ̀a Ssé gɔ̌ɔn mbwo wɔ̀ɔn Ndè ngie: Tóo ńnéŋe nà gwoŋó pwó yɔ́ɔn ye tʉ̀, tà à lá’ ńkú fʉ̀’ gie mèŋ sẅǐŋ megàŋ mbù pú mbwo gù, tà ɔ̀ tÿɔ́g mekwò mú twó pɔ́b»

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Heber 3:7

Áa mmó gie á gÿo a Zẅìge Ndʉalʉ̌a gɔɔn ngie: Pi lɔɔn ńjú’ ngyè Ssé lyɛ̌’ɔɔn

2 Piɛ 3:2

Pi kímte shwóŋè gie pà *ntsẅì nkʉ̀ Ssé pe Ndʉalʉ̌a la tʉ́ njÿó ńgɔɔn, mbɔɔ *lepʉ̌ sie megàŋ ntúm Yěsô ka zí’i gẅí, éfóo mbwo Cʉ̀apʉ̀a á gwɔ́ nyìŋ gẅie à gÿo pege tsẅɛ́ɛ.