Lukase 1:6 - Nouveau Testament en Ngienboum

⁶ Sakarîɛ pɔ́ nzwě we laa pʉ̀a, ńkú’te *lepʉ̌ Ssé kwà’ mboŋó, ńjú’u ncwò Ssé, ḿbiŋe ńgÿo pɔ́ mmó gie à ne ńkwoŋo tà *lɔ̌’ téen ńkẅɛɛ wɔ́.

Lukase 1:6 Referans Kwoze

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.

Megàŋ ntúm 24:16

Áa mmó gie á gÿo tá mèŋ n ne ńkaga tʉ̀ légiŋ ndʉŋ ndʉŋ á mvfò Ssé, mbɔɔ mvfò pʉ̀a mesoŋ.

1 Tesalonika 3:13

ńgíŋe gÿo ntʉ́m gẅi ké ne ńzébe pɔ́ ná yé. Tá à lá’a lyɛ̌’ gie Cʉ̀apʉ̀a wege Yěso pâ pʉ̀a pie à la tsɔ́’ é tǒ, pi tyé mvfò Tá wege Ssé, ńgwɔ́ ndʉalʉ̌a, atsɔ́ *lɔ̌’ɔ gí le gwɔ́ wó wɔ́.

1 Jâŋ 2:3

Pege lɔɔn ńgÿo mmó gie Ssé ne ńtsẅii né pege, mbà wɛ̌ légwɔ́ ge nyɛɛ wégè ngie pege zsé Ssé

2 Piɛ 3:14

Meshǔ pɔ́ɔn pe tʉ̀ nzẅìŋ, áa mmó gie á gÿo, pi gwɔ́ zẅí’te yɛ̌ lyɛ’ɛ́ lá’, ńkàg tʉ̀ ńnéŋe té *lɔ̌’. Pi légÿo tsɔ́ mmó gie Ssé ge kaga gẅi mǒ wɔ́, pia pɔ̌ piŋ ńgwɔ́ tè cÿɔ́g.

1 Jâŋ 3:7

Penkʉ́ pɔ́ɔn, ḿbɔ́ɔn nyìŋ légÿo pi fʉa mánzsè. Nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà ngàŋ lɔgɔ ńgÿo yé pá’ Yěsô Kristo. À gÿo mmó gie áa ndʉŋ ndʉŋ mvfò Ssé.

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

Kolosia 1:22

Tá á ké ḿbiŋ ńgwɔ́ fʉ̀’ɔɔn, mbà á ka fó ná pá’ Míŋ we ka cʉ́’ʉ nyìŋ mesoŋ, ńkwé, éshwoŋte gẅi ńgíŋe ńnéŋe lejʉ́ŋ ye, éshwoŋte gẅi pú’u, légwɔ́ gie pi ge gwɔ́ ndʉalʉ̌a, é gwɔ́ pà tèfʉa, é gwɔ́ pà tè *lɔ̌’.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

1 Korento 11:2

Mèŋ n nǎ ngɔ́ɔnte gi pá’ pi tyé nà yɛ̌ nò wɔ́, ńkímte wɔ̀ɔn kimté. Mbɔɔ pá’ pi ne ńcwoŋo ńkú’te mà gẅie n da zí’i gẅí.

Megàŋ ntúm 23:1

Pɔl nyɛte ńtÿɔ́g menÿɔ́g mé ná pàŋag ntsaŋ ńgɔɔn ngie: Mefɛ́ pɔ́ɔn, mèŋ n gee ńzɔ́gɔ ńgwɔ́ pɔ́ mvfò Ssé tà ńkú lyɛ̌’ɔɔn. Atsɔ́ mmó té tsɛ̀ɛ ntʉ́m mèŋ ne ńgege wɔ̀ɔn mɔ́,

Lukase 16:15

Á gɔɔn mbwo pɔ́b ngie: Pi pɛ̂, pi zɔ̌g ḿbab pʉ̀a ngie pi ee pʉ̀a mbòŋo, tá’, e Ssé ké ńne ńzsé pá’ letʉ́m sí ée pú’u. Pi zsé ngie: Anò gie pʉ̀a mesoŋ gyá ngie áa nò tɛ’, áa mvfò Ssé ńgwɔ́ nò shʉ́.

Lukase 1:7

Pɔ́ la tè múɔ gẅiin, mélà’mie Lisape laa nkǐŋ manzwě, mbà pɔ́ giŋé ḿbú ńzẅiŋ.

Lukase 2:25

Á gwɔ́ fʉ̀’ó, tsɔ̌ nyìŋ gwɔ́ Yerósalem, lezíŋ sé gwɔ́ le Simeon, á gwɔ́ nyìŋ, ńkú’te *lepʉ̌ Ssé ḿbiŋ ńjú’ ncwò wé. Mbà aa ńzɔ́gɔ ńzẅí’te nyìŋ gẅie à ge lá’ tó, pà Israel lɔgɔ yé ńtʉ, à Zẅìge Ndʉalʉ̌a gwɔ́ ntʉ́m yé.

Megàŋ ntúm 2:25

Pi zɔɔn ńju’u nò gie fùɔ Ndavíd la gɔɔn ńtí ye, à la gɔɔn ngie: N da ne ńgyá Cʉ̀apʉ̀a, à gwɔ́ mvfò mèŋ fʉ̀’ ntsèm, Á gwɔ́ nà gwǒŋo pwó yɔ́ɔn yé tʉ̀, nně ńtóonte wɔ̀ɔn, légwɔ́ gie ntʉ́m wɔ̀ɔn té vege wɔ́.

Megàŋ ntúm 8:21

Ɔ̀ tè nyìŋ gẅie à lɔɔn ngwɔ́ pege teme nò wɔ́. Menò mie mé gÿo jʉ’ɔɔn, ɔ̀ tè nò mǒ gẅiin, mélà’mie ntʉ́m gú ée mvfò Ssé, é té tyé ndʉŋ ndʉŋ wɔ́.

Roma 8:4

À la gÿo pú’u, légwɔ́ gie pege ge ku’u léńnéŋe ná ntí gie *lepʉ̌ ne ńzɛ́te. Mèŋ n gɔɔn wégè pie pege cʉ́’ʉ́ ńgiŋe ná ntí gie mbùm yege ne ńtsóte wégè wɔ́, pege cʉ’ʉ́ ńgiŋe pɔ́ nà ntí gie Zẅìge Ndʉalʉ̌a ne shwóŋó wégè.