Lukase 1:49 - Nouveau Testament en Ngienboum

⁴⁹ mélà’mie Ssé ngàŋa tʉ̀ ntsèm kéen ńgÿo nkʉ̀’ʉ nò mbòŋo ná mèŋ. E Ssé ee Ssé

Lukase 1:49 Referans Kwoze

Efeso 3:20

Yé Ssé, à ku’u légÿo kɔ̀ɔkɔ́ɔ ná pege, ńgÿo tà ńkwa’ ḿbú ńtɔ́g pá’ pege ne ńdúɔ, mbɔɔ pá’ pege ne ńkwaŋa. À gwɔ́ gÿo ńdɔg pɔ́ metʉ̀ mé mie é fa’a tsɛ̀ɛ mentʉ́m mégè.

Ŋwà’ne Ngyà jʉ’ 15:4

Cʉ̀apʉ̀a, ńgwɔ́ wɔ̌ nyé té pɔ́gɔ gú? Ńgwɔ́ wɔ̌ nyé té gu’te lezíŋ shú. Ndà’ gú zɔɔ ndʉalʉ̌a; Mengwòŋ ntsèm ge gÿo tó é kẅí’te mvfò gù á nue wɔ̌wɔ́ɔ kéen ńgyá mefà’ mú pá’ é tyé ndʉŋ ndʉŋ.

Ŋwà’ne Ngyà jʉ’ 4:8

Mbɔɔ wɛ̌ wɔ́ nà menɔ̀ɔn ŋwɛ́ lekùa la gẅiin mbabá mé ntɔgɔ́, menÿɔ́g gwɔ́ mǒ jʉ’ ntsèm, á nzème pǐ mbɔɔ nzème tsoló. Pɔ́ ne ńzɔbɔ té kʉ́a á fʉ̀’ʉ zsó mbɔɔ tsẅɛ́’, ńgɔɔn ngie: Ndʉalʉ̌a, Ndʉalʉ̌a, Ndʉalʉ̌a, aa Cʉ̀apʉ̀a Ssé Ngàŋa tʉ̀ ntsèm, á gẅie à laa wó, aa wó, à piŋ ńne ńtóo.

Malékuse 5:13

Yěsô zẅíŋ, *messé tepòŋ leen ńké fóo ná nyìŋ ŋwɛ́, ńkẅɛ ńkúu nà mekúnɔ́ɔn. Anùɔ mekúnɔ́ɔn pú ńtága fó ndùm lekwɔ’ɔ́ ḿbʉle ntse, ńnú ntse ńkwéte. Pɔ́ laa mmó ntsá’ yépʉ́a.

Lukase 1:48

À kimté wɔ̀ɔn, tá mèŋ n ke ńgwɔ́ pɔ́ nzèm nà pʉ̀a pie é jú’u ncwò wé Pʉ̀a mesoŋ nà mejwoŋó mejwoŋó ge lá’a cʉ́’ʉ tóŋo wɔ̀ɔn lé shÿó mbòŋo,

Lukase 1:50

À gÿo nò mbòŋo ná pʉ̀a pie pɔ́ kwoŋo yé ḿbiŋ ńgu’te ye, ńgíŋe ńgÿo ná púɔ pɔ́b á ná mejwoŋó mejwoŋó