Lukase 1:45 - Nouveau Testament en Ngienboum

⁴⁵ Ɔɔ shÿó mbòŋo, mélà’mie ɔ̀ ka zẅǐŋ ngie menò mie Ssé ka tǔm mé tsẅii mbwo gù, ge táa púmte.

Lukase 1:45 Referans Kwoze

Ŋwà’ne Jâŋ 20:29

Yěsô tsɔ́’ɔ mbwo yé ngie: Ɔ̀ lěen ńké ńzẅíŋ, mélà’mie ɔ̀ gyǎ wɔ̀ɔn. Pàshÿó mbòŋo ée pʉ̀a pie pɔ́ zẅíŋ té zɔɔn ńgyá.

Ŋwà’ne Jâŋ 11:40

Yěsô tsɔ́’ɔ mbwo yé ngie: Mèŋ n ně tè gɔɔn né gù ngie ɔ̀ lɔɔn ńzáb ntʉ́m ná mèŋ, mbà ɔ̀ ge gyá legú’ Ssé wɔ́ le?

Lukase 1:20

Áa nò gie á ge kwà’ gÿo kẅɛ nà yé fʉ̀’, tá’ pá’ ɔ̀ kaa zẅíŋe lá, ɔ̀ ge cʉ́’ gwɔ́ pɔ́ támbǎ’ tà yɛ̌ fʉ̀’ gÿo ńku’.

Lukase 1:44

Gyá pá’ n děen ńjú’u tsyɛ̀’te ɔ́, múɔ ŋele, ńkága lepfòm mèŋ.

Lukase 1:48

À kimté wɔ̀ɔn, tá mèŋ n ke ńgwɔ́ pɔ́ nzèm nà pʉ̀a pie é jú’u ncwò wé Pʉ̀a mesoŋ nà mejwoŋó mejwoŋó ge lá’a cʉ́’ʉ tóŋo wɔ̀ɔn lé shÿó mbòŋo,