Lukase 1:32 - Nouveau Testament en Ngienboum

³² À ge lá’ gwɔ́ nyìŋ ndÿò, mè tóŋo yé lé Míŋ Ssé gẅie à pi’i kɔ̀ɔkɔ́ɔ. Kwà’ yé Cʉ̀apʉ̀a Ssé zɔ gíŋe ńná lefùɔ ngàb ngẅɛ̀ wɔb Ndavíd né yé.

Lukase 1:32 Referans Kwoze

Lukase 1:35

*Cÿɔ́’ Ssé tsɔ́’ɔ mbwo yé ngie: À Zẅìge Ndʉalʉ̌a ge sẅɛ́’ kúu ná gù, e Ssé gẅie à pi’i kɔ̀ɔkɔ́ɔ lɔg metʉ̀ mé ńkábte gú tà yɔɔn nò pumte. À cʉa pú’u, tá mé gÿo ńtóŋo múɔ gẅie ɔ̀ ge zyé le Ndʉalʉ̌a, é gíŋe tóŋo yé le Míŋ Ssé.

Malékuse 5:7

ńdɔg ngyè tetʉ́ʉ ńga’te ngie: Yěsô Míŋ Ssé gẅie à pi’i kɔ̀ɔkɔ́ɔ, ɔ̀ kẅé kɔ́ mbwo mèŋ? Tsétsɔ’, mèŋ n dɔ̌g lezíŋ Ssé sẅíŋte gú ngie, ɔ̀ pɔ́ɔn lé ńnéŋe wɔ̀ɔn tsɛ̀ɛ ngɔ́’?

Ŋwà’ne Ngyà jʉ’ 3:7

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Filadelfia. Ŋwe’e ngie: Nyìŋ gẅie à fóo lejʉ́ŋ Ssé, ńgwɔ́ shwóŋò nò nénʉ́, yé gẅie à ngẅiin kí fùɔ Ndavíd, yé gẅie à tsɔ́’ ncwò ndá nyìŋ tè ku’u léjÿɔ́’ wɔ́, ńjÿɔ́’ nyìŋ tè ku’u létsɔ́’ wɔ́, à ne ńgɔɔn ngie:

Lukase 1:76

Sakarîɛ gíŋe ńgɔɔn ngie: Á gʉa ná gù míŋ wɔ̀ɔn, mbà mé ge lá’a tóŋo ɔ́ lé *ntsẅì nkʉ̀ Ssé, e Ssé gẅie à pi’i kɔ̀ɔkɔ́ɔ Cʉ̀apʉ̀a gwaa tó, mbà ɔ̀ vɔ̌g ńgwɔ́ mvfò ńnyɛte mánzsé we.

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Roma 1:4

E Ssé piŋ ńzába yé á gwɔ́ Míŋ Ssé, ńgẅiin metʉ̀. Á lɔg pá’ à la gÿo á zíme tsetsɛ̀ɛ mepfó, mbɔɔ pá’ à la ńnéŋe Zẅìge Ndʉalʉ̌a mbwo yé.

Megàŋ ntúm 2:30

Tá’ à laa *ntsẅì nkʉ̀ Ssé, ḿbiŋ ne ńzsé nò gie Ssé la ká’a mbwo yé tà ńkʉa ngie yé Ssé ge lá’ gÿo, múɔ gẅie à kẅɛɛ nà ngẅɛ̀ yé zɔ ńnéŋe nà leŋe lefùɔ yé.

Matio 1:1

Mezíŋ pàmangʉa njʉ̀’ Yěsô Kristo gẅie aa na ngẅɛ fùɔ Ndavíd, éfóo na ngẅɛ Ábalam e mɔɔn:

Megàŋ ntúm 16:17

Á cʉ́me nzèm peg lâ Pɔl, ńgiŋe ńgɔɔn lê tʉ̀ ngie: Epʉ̀a pɔɔn ée ngàŋa fà’ mbwo Ssé gẅie à pi’i kɔ̀ɔkɔ́ɔ! Pɔ́ ne shwóŋó gẅi pá’ à lɔɔn ńgwɔ́ pi giŋ pú’u tá ńtsẅɛ́.

Megàŋ ntúm 2:36

Pú’u la, ngwòŋ ngẅɛ ndá Israel, pi gẅiin lekwà’ ńzsé mboŋó ngie, Yěsô gẅie pi ka kime yé nà tyǒ nkǐ la, àa yé gẅie e Ssé ka lɔgɔ yé ńgÿo Ndè, ńgíŋe ńdɔgɔ yé ńgÿo *Nzà’nkÿo.

Ŋwà’ne Jâŋ 12:34

Alá’ tsɔ́’ɔ mbwo yé ngie: Peg la jú’u tsɛ̀ɛ ŋwà’ne Ssé ngie: *Nzà’nkÿo ge lá’a gwɔ́ pɔ́ wó. Ɔ̀ piŋ ngǎ ńgɔɔn ngie, mé ge kwé’e *Míŋ Nyìŋ náa tÿǒ? *Míŋ Nyìŋ ŋwɛ́ aa wɔ̌?

Ŋwà’ne Jâŋ 6:69

Peg léen ńdá’ ńzẅíŋ, ńgíŋ ne ńzsé ngie ɔ́ɔ kwà’ nyìŋ gẅie à fóo lejʉ́ŋ Ssé.

Malékuse 14:61

Yěsô láŋte laŋté, à tè tsɔ́b. *Nùŋe pwɔ́’ we lÿò gɔɔn né yé ngie: Ɔɔ *Nzà’nkÿo, á Míŋ Ssé?

Megàŋ ntúm 7:48

Á ké tě ńdɔgɔ ńgɔɔn ngie e Ssé gẅie à pi’i kɔ̀ɔkɔ́ɔ lɔɔn ńgwɔ́ á ńnéŋe tsɛ̀ɛ jʉ’ gie pʉ̀a mésoŋ zɔ̌ kwɛ́ wɔ́. Tsɔ̌ ntsẅì nkʉ̀ we la zɔɔn ńgɔɔn ngie:

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

Lukase 6:35

Ammó gie á poŋ ngie pi gÿo gwɔ́ pɔ́ ngie: Pi kwoŋ megàŋ mbù pí, ńgÿo pɔ́ nò mbòŋo ná pɔ́b. Pi fu nkáb mbwo nyìŋ té sáŋ ngie ngàŋ ge gÿo tsɔ́’. Pi lɔɔn ne ńgÿo pú’u, mbà Ssé ge lá’ náa gẅi máa ntsɔ’ɔ́ fà’, pi gíŋe ńgwɔ́ púɔ Ssé gẅie à pi’i kɔ̀ɔkɔ́ɔ, ńtí nue kwà’ yé ne ńgÿo nò mbòŋo ná pàjÿó ńjÿɔg ncwò, mbɔɔ ná megàŋ sóon.

Lukase 3:16

Tá á tsɔ́’ɔ mbwó pɔ́b metsèm ngie: Mèŋ n dêen ńgẅiin yɔ́ɔn pɔ́ ndà’ lénu’u gẅi tsɛ̀ɛ ntse. Tá tsɔ̌ ndÿò ne ńtóo; à cʉa wɔ̀ɔn tà mèŋ n tè ku’u lékyɛ́’ menkÿo melɔ̌ɔn mé wɔ́. À ge tó néŋ pʉ̀a mbwo Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g.

Lukase 1:15

À ge lá’ gwɔ́ mbwo Ssé é gwɔ́ nyìŋ tɛ’. À piŋ těen ńdá’a ńnúu melù’ wɔ́, tà mbɔɔ kɔ̀ɔkɔ́ɔ gie ńgwɔ́ nyìŋ nú ḿbʉ́a. À ge lá’ zɔɔn gwɔ kẅɛɛ lepfòm má we, mbà Zẅìge Ndʉalʉ̌a léen ńjÿó yé

Matio 12:42

Á ge lá’a lyɛ̌’ gie e Ssé ŋaga pʉ̀a mesoŋ, máfùɔ pà Shéba lu ssé ńtó ńtyé, ńzába nò twó pʉ̀a pie ee tsɛ̀ɛ njÿó fʉ’ɔɔn, á nue a lá jú’ ngie legye fùɔ Salomo pú ńcʉa se mânyìŋ ntsèm, éfó táa lá’ yé ńdu ssé ńtó, ńdɔg nÿɔ́g mé ńgyá yé. Nyìŋ gẅie a piŋe shwóŋó gẅi nò lyɛ̌’ɔɔn pi tě ńzẅíŋe wɔ́, esé legye cʉa se fùɔ Salomo.